ચૂંટણી / ચોથા તબક્કાની ચૂંટણીના પ્રચાર પડઘમ શાંત, જાણો 71 બેઠકો પર ક્યારે મતદાન

ત્યારે હવે ચોથા તબક્કાની ચૂંટણીના પડઘમ પણ શાંત થયા છે. આગામી 29મીએ ચોથા તબક્કાની ચૂંટણી માટે મતદાન થશે. જેના માટે અત્યાર સુધીમાં ભાજપ-કોંગ્રેસ અને સપા-બસપા સહિતની પાર્ટીઓના નેતાઓ પરસેવો વહાવ્યો છે. ચૂંટણીનો આ જંગ જીતવા કેટકેટલીય સભાઓમાં વિરોધીઓ પર બેફામ વરસ્યા છે.

29 એપ્રીલે 9 રાજ્યોની 71 લોકસભા સીટ પર મતદાન થશે. જે રાજ્યોમાં મતદાન થશે તેમાં બિહારની પાંચ સીટ, ઝારખંડની 3, મધ્યપ્રદેશની 6, મહારાષ્ટ્રની 17, ઓડિશાની 6, ઉત્તરપ્રદેશની 13, રાજસ્થાનની 13 અને પશ્ચિમબંગાળની 8 સીટ સામેલ છે.

29 એપ્રીલે 9 રાજ્યોની 71 લોકસભા સીટ પર મતદાન  

• બિહાર 5
• ઝારખંડ 3  
• મધ્યપ્રદેશ 6
• મહારાષ્ટ્ર 17 
• ઓડિશા 6
• ઉત્તરપ્રદેશ 13  
• રાજસ્થાન 13  
• પશ્ચિમબંગાળ 8

મહત્વનું છે કે, ચોથા તબક્કાની ચૂંટણી માટે કોંગ્રેસ-ભાજપના નેતાઓએ ભારે પ્રચાર કર્યો છે. ભાજપ તરફથી પ્રધાનમંત્રી નરેન્દ્ર મોદી અને અધ્યક્ષ અમિત શાહે મોરચો સંભાળ્યો. 

29 તારીખે આ તમામ સીટ પરના ઉમેદવારોનું ભાવિ પણ ઈવીએમમાં કેદ થઈ જશે. ત્યારબાદ સૌની નજર રહેશે 23મી મે પરિણામના દિવસ પર રહેશે.

અત્રે ઉલ્લખેનીય છેકે 543 બેઠકોમાંથી 303 બેઠકો પર મતદાન થઇ ચૂક્યું છે. પ્રથમ તબક્કામાં 91, બીજા તબક્કામાં 95 અને ત્રીજા તબક્કામાં 117 બેઠકો પર મતદાન થયું હતું.