અમદાવાદ શહેરની સ્કૂલોએ બાળકોને તંદુરસ્ત બનાવવા માટે એક અભિયાન શરૂ કર્યું છે. સ્કૂલ સંચાલકોએ હેલ્ધી નાસ્તાનું અઠવાડિયા માટેનું લિસ્ટ વાલીઓને મોકલ્યું છે. લંચ બોક્સમાં જંક ફૂડ અને પડીકા મોકલી શકાશે નહીં
બાળકોને તંદુરસ્ત બનાવવા અભિયાન
તંદુરસ્ત નાસ્તા માટે સ્કૂલોનું અભિયાન
સ્કૂલ સંચાલકોએ નાસ્તા માટે બનાવ્યું લિસ્ટ
બાળકોને તંદુરસ્ત બનાવવા માટે અમદાવાદ શહેરની સ્કૂલો દ્વારા એક અભિયાન હાથ ધરવામાં આવ્યું છે. સ્કૂલોના સંચાલકોએ વાલીઓને મેસેજ કરીને બાળકોને લંચ બોક્સમાં દરરોજ ઘરનો નાસ્તો આપવાની સૂચના આપી છે. આ સાથે જ સ્કૂલ સંચાલકોએ અઠવાડિયાનું લિસ્ટ પણ વાલીઓને મોકલ્યું છે.
તંદુરસ્ત નાસ્તા માટેનું અભિયાન શરૂ
શિયાળાની શરૂઆત થતા જ સ્કૂલ સંચાલકોએ હેલ્ધી લંચ બોક્સ માટેનું એક મિશન શરૂ કર્યું છે. આ મિશનમાં અમદાવાદની ઘણી સ્કૂલો જોડાઈ છે. સંચાલકોએ ગ્રુપમાં ચર્ચા કરીને લંચ બોક્સમાં તંદુરસ્ત નાસ્તા માટેનું અભિયાન શરૂ કર્યું છે. આ માટે સ્કૂલોના સંચાલકોએ વાલીઓને મેસેજ કરીને લંચ બોક્સમાં ઘરે બનાવેલો હેલ્ધી નાસ્તો મોકલવા જણાવ્યું છે. આ સાથે જ સ્કૂલ સંચાલકો દ્વારા અઠવાડિયાનું લિસ્ટ વાલીઓને મોકલવામાં આવ્યું છે.
અઠવાડિયાનું લિસ્ટ વાલીઓને મોકલ્યું
જેમાં એક દિવસ ઘઉંની વસ્તુ, એક દિવસ ફ્રૂટ, સૂકો મેવો, કઠોળ વગેરે મોકલવાનું રહેશે. લંચ બોક્સમાં જંક ફૂડ અને પડીકા મોકલી શકાશે નહીં. નોંધનીય છે કે, હાલમાં બાળકોને પેક્ડ નાસ્તો, જંક ફૂડ ખાવાની આદત વધી રહી છે. બાળકો પીઝા, બર્ગર, ચિપ્સ જેવા ફાસ્ટ ફૂડ ખૂબ આનંદ પુર્વક ખાતા હોય છે. ICMR અનુસાર, જંક ફૂડમાં મીઠું, ખાંડ અને ચરબીનું પ્રમાણ ઘણું વધારે છે. જેના કારણે અનેક પ્રકારની બીમારીઓ થાય છે. જંક ફૂડ ખાધા પછી મેટાબોલિઝમ ખૂબ જ ધીમી ગતિએ થાય છે, જેના કારણે સ્થૂળતા વધે છે.