અમદાવાદમાં એક યુવકે મહિલાને કોલ કરતા અજાણ્યા શખ્સોએ યુવક પર કર્યો હુમલો
સોશિયલ મીડિયા પર કોલ કરવુ પડ્યુ ભારે
મારી પત્નીને ફોન કરે છે કહીને યુવકને માર્યો
લોખંડની પાઇપ વડે યુવકોએ કર્યો હુમલો
અમદાવાદમાં એક શખ્સે સોશિયલ મી઼ડિયા પર કોલ કરવુ ભારે પડ્યુ. વાત એટલે પહોંચી ગઇ કે કોલ કરનારને લોકો મારવા દોડી આવ્યા. વાત છે અમદાવાદની . જ્યાં પાંચથી છ શખ્સોએ લોખંડની પાઇપ વડે યુવક પર હુમલો કરી દીધો. મારી પત્નીને કેમ કોલ કરે છે તેમ કહીને આ શખ્સો લાકડી લઇને ફરી વળ્યા.
સીસીટીવી આવ્યા સામે
આ સમગ્ર ઘટના નિકોલની છે. નિકોલના આ સીસીટીવી દ્રશ્યોમાં આપ જોઇ શકો છો કે એક શખ્સને ઘેરીને લોકો ઉભા છે અને થોડી જ વારમાં લોખંડની પાઇપ વડે મારવા લાગે છે. આ માર ખાઇ રહેલા યુવકને મારવાનુ કારણ એ છે કે તેણે સોશિયલ મીડિયામાં કોઇની પત્નીને ફોન કરી દીધો. બસ આ વાતથી જ શખ્સો યુવક પર લાકડી લઇને તૂટી પડ્યા.
ભૂલથી ફોન લાગ્યો- યુવક
નિકોલ પોલીસ સ્ટેશનમાં આ મામલે ફરિયાદ નોંધાતા પોલીસે વધુ તપાસ હાથ ધરી છે. યુવકનું એજ કહેવુ છે કે સોશિયલ મી઼ડિયાના વપરાશ સમયે ભૂલથી કોલ લાગી ગયો હતો. પરંતુ સવાલ એ થાય કે સોશિયલ મીડિયામાં જો કોઇ તમારા ફ્રેન્ડ લિસ્ટમાં હોય તેમને જ તમે કોલ કરી શકો છો. એટલે એ વાત તો સાચી કે આ યુવક મિસ કોલ કરનારને ઓળખતા હોઇ શકે છે.