ગૂગલની પ્લે સ્ટોર પોલિસીમાં કાલે એટલે કે 11 મેથી ફેરફારો થશે. આમાં ફેર ફેરફાર Android પર Call Recording Apps બંધ થવાનો છે. એટલે કે કોઈપણ થર્ડ પાર્ટી કોલ રેકોર્ડિંગ એપ્સથી તમારા સ્માર્ટ ફોન પર કોલ રેકોર્ડ નહીં કરી શકે.
કંપની આ વિષે પહેલા જ જણાવી ચુકી છે. સિક્યોરિટીને કારણે કોલ રેકોર્ડિંગ એપ્સને બંધ કરવામાં આવી રહી છે. કંપનીએ કહ્યું કે કોલ રેકોર્ડિંગ એપ્સ ઘણી પરમિશન લે છે જેનો ઘણા ડેવલપર્સ ખોટો ફાયદો પણ ઉઠાવે છે.
Truecallerમાં પણ નહીં મળે આ સુવિધા
આ ઉપરાંત, કોલ રેકોર્ડિંગ એપ્સને લઈને અલગ અલગ દેશમાં નિયમો પણ અલગ અલગ છે, જેને કારણે પણ કંપનીઓ આમાં ફેરફાર કરી રહી છે. ગૂગલની નવી પોલિસીથી કોલ રેકોર્ડિંગ એપ્સ આવતીકાલથી સંપૂર્ણ રીતે બંધ થઇ જશે. આ પોલિસીને કારણે Truecallerએ પણ આ કન્ફર્મ કર્યું છે કે હવે Truecallerથી પણ કોલ રેકોર્ડિંગ નહીં થઇ શકે.
કામ કરશે ઇનબિલ્ટ કોલ રેકોર્ડિંગ એપ્સ
જે ફોનમાં પહેલાથી જ કોલ રેકોર્ડિંગ ફન્કાશનાલિટી આપવામાં આવેલ છે, તે કામ કરતા રહેશે. એટલે કે તમારા ફોનમાં ઇનબિલ્ટ કોલ રેકોર્ડિંગ એપ આપવામાં આવી છે, તો પરેશાન થવાની જરૂર નથી. તે પહેલાની જેમ જ કામ કરશે.
તકલીફ એ લોકોને પડશે, જેમના ફોનમાં આ ઇનબિલ્ટ કોલ રેકોર્ડિંગ એપ નથી અને તેઓ થર્ડ પાર્ટી કોલ રેકોર્ડિંગ એપનાં માધ્યમથી કોલ રેકોર્ડ કરે છે. સેમસંગ, વિવો, રિયલમી અને બીજી કંપનીઓના મોટાભાગનાં ફોન ઇનબિલ્ટ કોલ રેકોર્ડિંગ ફીચર સાથે જ આવે છે.
નવી પોલિસી પહેલા પણ કંપની આવા પ્રયત્નો કરી ચુકી છે. કંપનીએ Android 10માં કોલ રેકોર્ડિંગને ડિફોલ્ટ બંધ રાખ્યું હતું. આ રેસ્ટ્રીકશનને હટાવવા માટે એપ્સે Accessibility APIનો યૂઝ કરીને કોલ રેકોર્ડ કરવાનું શરુ કર્યું હતું. હવે ગૂગલની નવી પોલિસી બાદ આ પણ શક્ય નહીં બને.