અમદાવાદમાં લોન આપવાના બહાને છેતરપિંડી કરતું કોલ સેન્ટર ઝડપાયું, એકલા હાથે આરોપી ચલાવતો હતો કોલેસેન્ટર, માહિતી ક્યાંથી મેળવતો એ મોટો સવાલ
લોનના નામે કરતા હતા છેતરપિંડી
અમદાવાદ સાઈબર ક્રાઈમ પોલીસે ખોલી પોલ
અમેરિકન નાગરિકોને બનાવતા પોતાનો નિશાન
અમેરિકન નાગરીકો સાથે છેતરપિંડી કરતા વધુ એક કોલસેન્ટરનો અમદાવાદ સાયબર ક્રાઈમે પર્દાફાશ કર્યો છે. પોતાના ઘરમા એકલા હાથે કોલ સેન્ટર ચલાવનાર આરોપીની ધરપકડ કરવામાં આવી છે. આરોપી અમેરિકન નાગરીકોને લોન આપવાના બહાને તેમની પાસેથી રૂપિયા પડાવતો હતો.પોલીસે 19 લાખ રોકડા સહીત બે લેપટોપ અને અન્ય મુદ્દામાલ કબ્જે કર્યો છે. જોકે આ ગુનાનો અન્ય એક આરોપી ફરાર છે. જે માહિતી પુરી પાડતો હતો.
USAની કંપનીનું ખોટું નામ બતાવી કરતા હતા છેતરપિંડી
અમદાવાદ સાયબર ક્રાઈમની કસ્ટડીમાં રહેલા આરોપીનુ નામ કાર્તીગેયન ગૌવતમ પીલ્લઈ છે. જે ન્યુ મણીનગરના કર્ણાવતી રીવે નામના ફ્લેટમાં રહી ગેરકાયદે કોલસેન્ટર ચલાવતો હતો.કાર્તીગેયન છેલ્લા 9 મહિનાથી અમેરિકન નાગરીકો સાથે છેતરપિંડી કરતો હતો. જે અંગે સાયબર ક્રાઈમને માહિતી મળતા તપાસ કરવામાં આવી. આરોપી ટેક્ટ નાઉ નામની એપ્લિકેશન થકી લેન્ડિંગ ક્બલના નામે લોન આપવાના બહાને છેતરપિંડી કરતો હોવાનુ સામે આવ્યુ છે. જેથી પોલીસે 19 લાખ રોકડા સાથે આરોપીની ધરપકડ કરી છે.
કરોડો રૂપિયામાં થઈ છે છેતરપિંડી
આરોપીની પુછપરછ કરતા સામે આવ્યુ કે તે પે ડે ના નામે લોન આપવાના બહાને ગીફ્ટ કાર્ડ, ક્યુઆર કોડ અને બિટકોઈન મારફતે નાણાં મેળવી છેતરપિંડી કરતો હતો.. આરોપી આ રૂપિયા આંગડીયા પેઢી કે પછી ચાઈનાથી હવાલા રૂપે મેળવતો હતો. સાથે જ આરોપી પાસેથી મોટી માત્રામા લીડ એટલે કે માહિતી મળી આવી છે. જે જોતા આ આરોપીએ કરોડો રૂપિયાની છેતરપિંડી કરી હોવાનુ પોલીસ માની રહી છે.
સાઈબર ક્રાઈમ પોલીસે બે લોકો સામે ગુનો નોંધી તપાસ હાથ ધરી
કોલસેન્ટર ચલાવનાર આરોપીના મોબાઈલની તપાસ કરતા અન્ય આરોપીના માત્ર વર્ચુયલ નંબર મળ્યા છે. જેથી આરોપી પાસે લીડ ક્યાંથી આવતી હતી. કોણ લાવતુ હતુ. સાથે જ આરોપીની સાથે કોલસેન્ટરના ગુનામાં અન્ય કોણ કોણ સંડોવાયેલ છે. તે અંગે તપાસ શરૂ કરી છે.