અટેક / કેલિફોર્નિયામાં યહૂદી પ્રાર્થનાસ્થળ પર અંધાધૂંધ ગોળીબાર, 1 મહિલાનું મોત ને 3 ઘાયલ

પોલીસે એક યુવકની ધરપકડ કરીને તપાસ હાથ ધરી છે. પોલીસે ધરપકડ કરાયેલા યુવકનાં સોશિયલ એકાઉન્ટની પણ તપાસ હાથ ધરી છે. પોલીસ તપાસમાં સામે આવ્યું કે ગોળીબાર એક એ.આર. 15 ટાઈપ રાઈફલથી કરવામાં આવ્યો હતો. તો અમેરીકામાં અનેક ઘટનાઓમાં એ.આર. 15નો ઉપયોગ કરવામાં આવ્યો હતો.

સૈન ડિએગો કાઉન્ટીનાં શેરિફ બિલ ગોરે એક સંવાદદાતા સંમેલનમાં કહ્યું કે, "ગોળીબારી દરમ્યાન ચાર લોકો ઘાયલ થયાં છે. જેને પૉલિમર હોસ્પિટલમાં ભરતી કરવામાં આવ્યાં. હોસ્પિટલમાં એક ઘાયલે દમ તોડી દીધો અને અન્ય ત્રણની હાલત હવે સ્થિર છે."

પીડિતોમાં એક 60 વર્ષીય મહિલા છે. જેનું હોસ્પિટલમાં મોત થઇ ગયું. ત્યારે બાકીનાં ત્રણ લોકોને ગંભીર ઇજા પણ પહોંચી છે. એક પીડિતની ઉંમર 57 વર્ષ છે, જે પોતાની આંગળીઓ પણ ખોઇ ચૂકેલ છે. બીજી બાજુ 34 વર્ષનાં એક વ્યક્તિ અને એક છોકરી પણ ગોળીબારનો શિકાર થયેલ છે.

તેઓએ જણાવ્યું કે, પોલીસને સિનગૉગમાં ગોળીબારીની ઘટનાની જાણકારી સવારનાં અંદાજે સાડા અગિયાર કલાકે મળી હતી. ગોળીબારી એક 'એઆર-15 ટાઇપ' રાઇફલથી કરવામાં આવી હતી. અમેરિકામાં ગોળીબારીની અનેક ઘટનાઓમાં 'એઆર-15'નો ઉપયોગ કરવામાં આવ્યો છે.