લોકોમાં સ્માર્ટ ફોનનું એડિક્શન ઘટાડવા માટે કેલિફોર્નિયાની એક ફૂડ કંપની પોતાની રેસ્ટોરાંમાં ફ્રી પિઝા ઓફર કરી રહી છે. આ માટે રેસ્ટોરાંમાં આવનાર ગ્રાહકોએ પોતાનો ફોન લોકરમાં રાખવો પડશે. તેની અવેજીમાં તેમને એક પિઝા મફત મળશે. ઓફર મુજબ ફ્રી પિઝા માટે ગ્રાહકોએ સમૂહમાં આવવું પડશે. ઓફરની શરૂઆત લગભગ ત્રણ અઠવાડિયાં પહેલાં થઇ હતી. અત્યાર સુધી કંપની પ૦ મોટા પિઝા લોકોને મફત આપી ચૂકી છે.
વોશિંગ્ટનઃ લોકોમાં સ્માર્ટ ફોનનું એડિક્શન ઘટાડવા માટે કેલિફોર્નિયાની એક ફૂડ કંપની પોતાની રેસ્ટોરાંમાં ફ્રી પિઝા ઓફર કરી રહી છે. આ માટે રેસ્ટોરાંમાં આવનાર ગ્રાહકોએ પોતાનો ફોન લોકરમાં રાખવો પડશે. તેની અવેજીમાં તેમને એક પિઝા મફત મળશે. ગ્રાહક ઇચ્છે તો કોઇ જરૂરિયાતમંદને દાન પણ કરી શકશે. કંપનીનું કહેવું છે કે અમારો હેતુ લોકોને સમૂહમાં વાતચીત કરવા માટે પ્રેરિત કરવાનો છે.
આ દરમિયાન થોડા સમય માટે તેમને મોબાઇલથી દૂર રાખવા છે. ઓફર મુજબ ફ્રી પિઝા માટે ગ્રાહકોએ સમૂહમાં આવવું પડશે. ઓફરની શરૂઆત લગભગ ત્રણ અઠવાડિયાં પહેલાં થઇ હતી. અત્યાર સુધી કંપની પ૦ મોટા પિઝા લોકોને મફત આપી ચૂકી છે. કંપનીની સ્કીમ અનુસાર લોકોએ કમસે કમ ચાર લોકોના ગ્રૂપમાં આવવું પડશે અને બધાંની પાસે સ્માર્ટ ફોન હોવો જોઇએ. રેસ્ટોરાંનો સ્ટાફ તેમની પાસેથી સ્માર્ટફોન લઇ લોકરમાં મૂકી દે છે.
આ પહેલાં તેઓ ફોનની તપાસ કરે છે, જેથી લોકો એ ઓફરનો ફાયદો ઉઠાવવા અને ફ્રી પિઝા ખાવા માટે જૂનો કે ખરાબ ફોન આપીને છેતરપિંડી ન કરે. ગ્રાહકોને ર૪ કલાક બાદ પિઝા અપાશે. જ્યારે તેઓ ફરી વખત આવશે. કંપનીના સહસંસ્થાપક વીરેન્દ્ર માલ્હીનું કહેવું છે કે તેઓ પોતાનાં બાળકો સામે એક ઉદાહરણ રજૂ કરવા ઇચ્છે છે. તેથી તેઓ માત્ર ઇમર્જન્સીમાં જ પોતાના ફોનનો ઉપયોગ કરે છે. વીરેન્દ્રનું કહેવું છે કે સ્માર્ટફોનથી મેં ધીરે ધીરે અંતર જાળવ્યું છે. મેં જે અનુભવ કર્યો તે બીજા સાથે શેર કરવા ઇચ્છું છું. હું તેમને પ્રેરિત કરવા ઇચ્છું છું. તેથી આ ઓફર આપી છે.