WORLD / કેલિફોર્નિયામાં દાવાનળની સ્થિતિ અતિગંભીર; લોસ એન્જેલિસના નાગરિકોને અપાયો આ નિર્દેશ

લોસ એન્જેલિસના ઉત્તર-પૂર્વના પર્વતીય વિસ્તારો પર સ્થિત જંગલમાં લાગેલો દાવાનળ શનિવારે જોરદાર પવનને કારણે નીચેના વિસ્તારોમાં ભડકી ઉઠી છે. વહીવટીતંત્રે હવે વિસ્તારના લોકોને આ વિસ્તાર ખાલી કરવા જણાવ્યું છે. આગને કારણે વિસ્તારના કેટલાક મકાનો પણ બળી ગયા છે.

Driven by strong winds and warm temperatures, the #BobcatFire has grown to 72,000 acres. Fire officials report the blaze remains at 15% containment https://t.co/iG7ph6Ip7f pic.twitter.com/4niZEnXVZL

— CBS Los Angeles (@CBSLA) September 19, 2020

પાયરોટેકનિક ઉપકરણથી આગ લાગી

આ દરમિયાન અધિકારીઓ આ ઘટનામાં થયેલી અગ્નિ શામક જવાનની મોતની તપાસ કરી રહ્યા છે. આ મહિનાની શરૂઆતમાં દક્ષિણ કેલિફોર્નિયાના જંગલમાં પાયરોટેકનિક ઉપકરણથી આગ લાગી હતી. એક દંપતી તેમના બાળકનું જન્મ પહેલા લિંગ જાણવા માટે આ ઉપકરણનો ઉપયોગ કર્યો હશે.

ગુરુવારે અગ્નિશામક જવાનનું મોત નીપજ્યું

યુએસ ફોરેસ્ટ સર્વિસે એક નિવેદનમાં જણાવ્યું છે કે લોસ એન્જેલિસથી લગભગ 120 કિલોમીટર દૂર સેન બર્નાર્ડિનો નેશનલ ફોરેસ્ટમાં ગુરુવારે અગ્નિશામક જવાનનું મોત નીપજ્યું હતું જ્યારે તેમની ટીમ અલ ડોરાડો આગને કાબૂમાં લેવાનો પ્રયાસ કરી રહી હતી.

જોરદાર પવનને કારણે આગે દિશા બદલી

ઉત્તર લોસ એન્જેલિસ કાઉન્ટીના અગ્નિશામકો શનિવારે ઘરો બચાવવા માટે કામ કરી રહ્યા હતા. જોરદાર પવનને કારણે બોબકેટ આગ નીચેની તરફ ફેલાઈ જ્યાં લોકો રહે છે. બોબકેટ કેલિફોર્નિયાના એ વિસ્તારનું નામ છે જ્યાં આ વર્ષે 6 સપ્ટેમ્બરથી આગ લાગી છે.

368 ચોરસ કિલોમીટરના વિસ્તારમાં ફેલાઈ આગ

આશરે 368 ચોરસ કિલોમીટરના વિસ્તારમાં ફેલાયેલી આગને પહોંચી વળવા પ્રયાસો ચાલી રહ્યા છે. આગના પ્રવક્તા એન્ડ્ર્યૂ મિશેલે કહ્યું કે તે વિસ્તારના તમામ લોકોને ત્યાંથી ચાલ્યા જવાનો આદેશ આપવામાં આવ્યો છે, લગભગ 4000 લોકો ત્યાં રહે છે.