કેન્દ્ર સરકારનું દરેક મંત્રાલયને એક ખાસ સૂચન આપ્યું છે. જેમાં બિનજરૂરી ખર્ચ પર કાપ મૂકવાના નિર્દેશ આપવામાં આવ્યા છે. આ સાથે જ કેલેન્ડર, ડાયરી ન છાપવા આદેશ પણ અપાયા છે. તો અન્ય તરફ ગ્રિટીંગ્સ કાર્ડ છાપવાની પણ મનાઈ ફરમાવવામાં આવી છે. ઉલ્લેખનીય છે કે કોરોના કાળમાં સરકારની આવક ઘટી છે જેના આધારે સરકારે મંત્રાલયોને ડિજીટલ બનવાની સલાહ આપી છે.
મંત્રાલયોને સરકારનું સૂચન
બિનજરૂરી ખર્ચ ઘટાડો
કેલેન્ડર, ડાયરી, ગ્રીટીંગ્સ કાર્ડ ન છાપો
સરકારે કેલેન્ડર અને ડાયરી જેવી સામગ્રીના પ્રકાશન માટે કાગળ કે પ્લાસ્ટિકના બદલે ડિજિટલ માધયમનો ઉપયોગ કરવાનું નક્કી કર્યું છે. નાણામંત્રાલયે બુધવારે આ માટેની જાણકારી આપી હતી.
All calendars, diaries & other similar materials, which were earlier printed in physical format, will now be done digitally by Ministries/Depts/PSUs/PSBs. Depts & all other organs of the government to adopt innovative means to use digital or online methods: Ministry of Finance pic.twitter.com/RD0JFAHM6Z
નાણામંત્રાલયે કહ્યું કે સરકારના દરેક વિભાગ અને સંગઠન આ વસ્તુઓના પ્રકાશન માટે હવે ડિજિટલ અને ઓનલાઈન માધ્યમનો અલગ અલગ રીતે ઉપયોગ કરશે. આ વિશે એક લેટર જાહેર કરાયો છે તેમાં મંત્રાલયે કહ્યું છે કે કોફી ટેબલ બુકના પ્રકાશન પર પણ પ્રતિબંધ રહેશે. આ માટે ઈ બુકનો ઉપયોગ કરીને તેનો વિસ્તાર કરાશે.
કેટલાક ખાસ સંજોગોને ધ્યાનમાં રાખીને, વિશ્વ ઉત્પાદકતા માટે ડિજિટલ ફોર્સ-મલ્ટીપ્લાયર્સને અપનાવવા તરફ વધુને વધુ આગળ વધી રહ્યું છે ત્યારે ભારત સરકારે આ શ્રેષ્ઠ પ્રથાને અનુસરવાનો નિર્ણય કર્યો છે. આવી બધી પ્રવૃત્તિઓ ડિજિટલ અને ઓનલાઇન થશે. આવી બાબતોમાં નવીન પધ્ધતિઓનો સમાવેશ કરવા માટે એક નક્કર પ્રયાસ કરવાની રહેશે. તેમાં ઉમેર્યું હતું કે, આયોજન, સમયપત્રક અને આગાહી માટે તકનીકી નવીનતાઓનો ઉપયોગ આર્થિક, કાર્યક્ષમ અને અસરકારક છે.
નિર્ણય ઉત્પાદકતા માટે ડિજિટલ ફોર્સ મલ્ટીપ્લાયર્સને અપનાવવા તરફ, અને આર્થિક, કાર્યક્ષમ અને અસરકારક તરીકે જાણીતા પ્લાનિંગ, સમયપત્રક અને આગાહી માટે તકનીકી નવીનતાઓના ઉપયોગની દિશામાં આગળ વધતી દુનિયાની પૃષ્ઠભૂમિમાં આ નિર્ણય લેવામાં આવ્યો છે.