વાહન ચાલકો માટે ટ્રાફિક નિયમોનું પાલન કરવું અત્યંત જરૂરી છે, પણ જો નિયમોના ભંગ થાય તો, ટ્રાફિક પોલીસ યોગ્ય કાર્યવાહી કરતી હોય છે. જો કે અમુક નિયમો એવા છે, જેણે વાહનચાલકોએ જાણવા જરૂરી છે.
ટ્રાફિક નિયમોના ભંગ બદલ પોલીસ ડ્રાઈવિંગ લાયસન્સ જપ્ત કરે
આ કેસમાં પણ પોલીસે ડ્રાઈવિંગ લાયસન્સ જપ્ત કરીને સસ્પેન્ડ કરી દીધું
પણ શું હકીકતમાં પોલીસ પાસે ડ્રાઈવિંગ લાયસન્સ સસ્પેન્ડ કરવાનો અધિકાર છે ખરો ?
શું ટ્રાફિક નિયમોના ઉલ્લંઘનના આરોપમાં પકડાઈ જવા પર ટ્રાફિક પોલીસ આપનું ડ્રાઈવિંગ લાયસન્સ સસ્પેન્ડ કરી શકે છે. કદાચ આપને આ સવાલનો જવાબ ખબર નહીં હોય, પણ હવે કલકત્તા હાઈકોર્ટે આ અંગે સ્થિતિ સ્પષ્ટ કરી છે. હાઈકોર્ટે સ્પષ્ટ શબ્દોમાં કહ્યુ છે કે, ટ્રાફિક અથવા સિવિલ પોલીસ ડ્રાઈવિંગ લાયસન્સ આપતી નથી, એટલા માટે તેમને ડ્રાઈવિંગ લાયસન્સ આપવાનો પણ કોઈ અધિકાર નથી, હાઈકોર્ટે કહ્યું કે, ટ્રાફિક નિયમોના ઉલ્લંઘન બદલ પોલીસ આરોપીનું ચલણ કાપી શકે છે, પણ તેનું ડ્રાઈવિંગ લાયસન્સ સસ્પેન્ડ કરી શકતી નથી.
શું હતો ડ્રાઈવિંગ લાયસન્સનો મામલો
હાઈકોર્ટમાં અજી દાખલ કરનારી પ્રિયશા ભટ્ટાચાર્યએ 19 મે 2022ના રોજ સાઉથ સિટી મોલથી ન્યૂ અલીપુર પોતાના ઘરે જઈ રહી હતી. આ દરમિયાન તેની ગાડીને ટ્રાફિક પોલીસે રોકી લીધી. ભટ્ટાચાર્યના જણાવ્યાઅનુસાર તે 62.1 કિમીની સ્પિડથી ગાડી ચલાવી રહી હતી. ઓવરસ્પિડીંગના આરોપમાં પોલીસે તેનું ડ્રાઈવિંગ લાયસન્સ જપ્ત કરી લીધું. થોડા દિવસ બાદ પોલીસને એક ઈમેલ મોકલીને પોતાનું ડ્રાઈવિંગ લાયસન્સ પાછુ આપવા માટે વિનંતી કરી. તેના પર પોલીસે રિવર્ટ ઈમેલ કરીને જણાવ્યું કે, આપનું ડ્રાઈવિંગ લાયસન્સ 90 દિવસ માટે સસ્પેન્ડ કરી દેવામાં આવ્યું છે.
પોલીસ ડ્રાઈવિંગ લાયસન્સ સસ્પેન્ડ કરી શકતી નથી
ત્યાર બાદ પ્રિયશાએ પોતાના વકીલ ફિરોઝ એડુલ્ઝી અને અમૃતા પાંજા મૌલિક દ્વારા કલકત્તા હાઈકોર્ટમાં અરજી દાખલ કરી. ફિરોઝ એડુલ્ઝીએ મોટર વ્હીકલ એક્ટ અને અલગ અલગ કોર્ટના પૂર્વમાં આવેલા ચુકાદાનો હવાલો આપતા કહ્યું કે, નિયમોના ઉલ્લંઘન પર ટ્રાફિક પોલીસ ડ્રાઈવિંગ લાયસન્સ જપ્ત કરવાનો અધિકાર છે, પણ ત્યાર બાદ તે લાયસન્સને મોટર વ્હીકલ વિભાગને સોંપી દેવું જોઈએ, કેમ કે મોટર વાહન વિભાગ જ ડ્રાઈવિંગ લાયસન્સ આપે છે. એટલા માટે તેમણે એ નક્કી કરવુ જોઈએ કે, લાયસન્સ સસ્પેન્ડ થશે કે રદ થશે. તેના પર કલકત્તા ટ્રાફિક પોલીસે કોર્ટમાં તર્ક રજૂ કરીને પોતાની કાર્યવાહીને યોગ્ય ઠેરવી હતી.
મોટર વ્હીકલ વિભાગ કરી શકે છે લાયસન્સ પર નિર્ણય
બંને પક્ષની વાત સાંભળ્યા બાદ જસ્ટિસ ભટ્ટાચાર્યએ આદેશ આપ્યો કે, ટ્રાફિક પોલીસને ડ્રાઈવિંગ લાયસન્સ આપવાનો કોઈ અધિકાર નથી, એટલા માટે તે સસ્પેન્ડ કે રદ પણ કરી શકતી ન થી. તેણે જપ્ત કરેલા લાયસન્સ કોઈ પણ ભોગે મોટર વાહન વિભાગને સોંપવાના હોય છે. ત્યાર બાદ વિભાગ તેના પર નિર્ણય કરશે. કોર્ટે ટ્રાફિક પોલીસને ઓર્ડર આપ્યો કે, 2 અઠવાડીયામાં ડ્રાઈવિંગ લાયસન્સ પાછુ આપવામાં આવે કોર્ટે અરજીકર્તાને સલાહ આપી છે કે, ગાડી ચલાવતી વખતે જવાબદારી ભાન રાખવામાં આવે અને કંઈ પણ એવું ન કરવામા આવે જેનાથી બીજાના જીવને જોખમ થાય.