IPLIN
 

વિવાદ / IPL સ્પોન્સર તરીકે BCCIએ આ ચીની કંપની પસંદ કરતા હોબાળો, મામલો અમિત શાહ સુધી પહોંચ્યો

Team VTV 06:21 PM, 03 Aug 20 | Updated: 06:34 PM, 03 Aug 20
Follow us
CAIT To Oppose IPL 2020 tooth And Nail After BCCI Retains China Vivo As Sponsor

IPL 2020ની લીલી ઝંડી મળવાની સાથે BCCIએ તેના ગયા વખતના તમામ મુખ્ય સ્પોન્સર્રસને રિટેન કર્યા છે એટલે કે બદલ્યા નથી. આ કંપનીઓમાં ચાઈનાની સ્માર્ટફોનની કંપની Vivoનો પણ સમાવેશ થાય છે. ભારતીય વ્યાપારી સંઘ(CAIT)ના નેશનલ સેક્રેટરી જનરલ પ્રવીણ ખંડેલવાલે સોમવારે આ નિર્ણયની ઝાટકણી કાઢી હતી અને કહ્યું હતું કે ભારતીય વ્યાપારી સંઘ તેનો વિરોધ કરશે. IPL ગવર્નિંગ કાઉન્સેલના ચીની કંપનીને સ્પોન્સર તરીકે રાખવાના નિર્ણયની ફેન્સ ભારે ટીકા કરી રહ્યા છે કારણ કે હાલના ચીન સાથેના ભારતના સંબંધો વણસ્યા છે. 

CAITએ અમિત શાહ અને વિદેશમંત્રી એસ જયશંકરને લખ્યો પત્ર 

CAITના પ્રવીણ ખંડેલવાલે લખ્યું હતું કે ભારતીય ક્રિકેટ કંટ્રોલ બોર્ડના હાલમાં લેવાયેલો નિર્ણય આપણે વિદિત થાય કે BCCIએ ચીની કંપની Vivoને IPLના મુખ્ય સ્પોન્સરની યાદીમાં રાખી છે. જયારે ચીન સીમા ઉપર ભારતીય જવાનો માટે લોહી તરસ્યું હોય અને PM મોદીના નેતૃવ હેઠળ ભારત આત્મનિર્ભર બનવા જઈ રહ્યું હોય ત્યારે BCCIનો આ નિર્ણય સરકારની નીતિઓની વિરુદ્ધમાં જઈ રહ્યો છે. 

CAITના નેશનલ સેક્રેટરી જનરલ પ્રવીણ ખંડેલવાલ

જો ઓલિમ્પિક્સ અને વિમ્બલ્ડન રદ થઇ શકે તો IPL કેમ નહીં?

પ્રવીણ ખંડેલવાલે જણાવ્યું હતું કે દુનિયામાં અત્યારે કોરોના વાયરસ મહામારી ચાલી રહી છે. એવામાં જો ઓલિમ્પિક્સ અને વિમ્બલ્ડન રદ થઇ શકે તો IPL કેમ નહીં? શું BCCI પૈસા પાછળ આંધળું થઇ ગયું છે? ચીની કંપનીને સ્પોન્સરશિપ આપવી અને આવા કટોકટીના સમયમાં IPL યોજવી એ દર્શાવે છે કે BCCI નાણાંભૂખી સંસ્થા છે. અમે આનો દ્રઢતાપૂર્વક વિરોધ કરીએ છીએ. 

ત્રીજી વખત દેશની બહાર IPL યોજાઈ રહી છે

13મી IPL 19મી સપ્ટેમ્બરથી 8 નવેમ્બર સુધી UAEમાં યોજાવા જઈ રહી છે. તમામ ટીમોએ UAEમાં હેલ્થની સેફટી ખાતર 25 દિવસ વહેલા પહોંચી જવાનું રહેશે. આ ત્રીજી વાર છે જયારે IPL ભારતની બહાર યોજાઈ છે. 

IPL અમિત શાહ amit shah UAE BCCI
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ