કેગ દ્વારા દેવેન્દ્ર ફડણવીસના નેતૃત્વ વાળી પૂર્વ સરકારે મંજૂર કરેલા કેટલાક પ્રોજેક્ટ્સ પર સવાલ ઉઠાવ્યા છે. મહારાષ્ટ્ર વિધાનસભામાં સીએજીની રિપોર્ટને રજૂ કરતા સમયે ઉપ મુખ્યમંત્રી અજીત પવારે ગત સરકારના કેટલાક ઇન્ફ્રાસ્ટ્રક્ચર પ્રોજેક્ટ્સ પર સવાલ ઉઠાવ્યા છે. તેના મુજબ સિડકોના લગભગ 2000 કરોડ રૂપિયાના પ્રોજેક્ટ્સમાં ગરબડી થઇ હોવાનું જાણવા મળ્યું છે.
દેવેન્દ્ર ફડણવીસના નેતૃત્વ વાળી પૂર્વ સરકારના મંજૂર કરાયેલા કેટલાક પ્રોજેક્ટ્સ પર CAGએ સવાલ ઉઠાવ્યા
મહારાષ્ટ્ર વિધાનસભામાં રિપોર્ટને રજૂ કરી ઉપ મુખ્યમંત્રી અજીત પવારે પ્રોજેક્ટ્સ પર સવાલ ઉઠાવ્યા
સિડકોના લગભગ 2000 કરોડ રૂપિયાના પ્રોજેક્ટ્સમાં ગરબડી થઇ હોવાનું જાણવા મળ્યું
અજીત પવારને આરોપ લગાવ્યો છે કે નવી મુંબઇમાં બનનારા ઇન્ટરનેશનલ એરપોર્ટ, નેરુલ ઉરન રેલવે લાઇન અને નવી મુંબઇ રેલ પ્રોજેક્ટમાં કેટલીક ગરબડીઓ થઇ હોવાનું જાણવા મળ્યું છે. સિડકો (Cidco) મહારાષ્ટ્ર સરકારના શહેરી વિકાસ વિભાગના અંતર્ગત આવે છે. જેને ખુદ મુખ્યમંત્રી દેવેન્દ્ર ફડણવીસ સંભાળી રહ્યા હતા. સીએજી મુજબ, સિડકોએ નવી મુંબઇ મેટ્રો રેલ પ્રોજેક્ટનું કામ સમય પર પૂર્ણ ન કરનારા 22 કોન્ટ્રાક્ટર્સથી ટેન્ડર્સ નિયમોનું ઉલ્લંઘન કરવાને લઇને બાકી 185 કરોડ રૂપિયાનો દંડ પણ વસૂલ્યો નથી.
ફડણવીસે આરોપોથી ઇનકાર કર્યો
વિધાનસભામાં હવે વિપક્ષના નેતાની ભૂમિકા નિભાવી રહેલા દેવેન્દ્ર ફડણવીસે સીએજીની રિપોર્ટમાં લાગેલા આરોપોને ખોટા બતાવ્યા છે. તેઓએ કહ્યું કે નવી મુંબઇ મેટ્રો રેલ અને નેરુલ ઉરન રેલવે લાઇન સાથે જોડાયેલા તમામ ટેન્ડર્સ પર નિર્ણય 2014માં અમારી સરકાર આવવાના પહેલા જ લેવાઇ ચૂક્યો હતો. શહેરી અને ઔદ્યોગિક વિકાસ પ્રાધિકરણ ખુદ એક સ્વાયત્ત સંસ્થા છે અને તેના દ્વારા લેવામાં આવેલો કોઇપણ નિર્ણય મુખ્યમંત્રી સુધી આવતો નથી.
સીએજી (CAG)ની આ રિપોર્ટ વિધાનસભામાં રજૂ કરનારા અજીત પવાર ખુદ પણ આ પહેલા સિંચાઇ કૌભાંડ સાથે જોડાયેલા એક મામલામાં આરોપી હતા. જોકે, મહારાષ્ટ્રમાં ગત વર્ષ થયેલી રાજકીય અફરાતરફીમાં તેઓે ભાજપમાં સામેલ થઇ ગયા હતા.