પીએમ મોદી નાના નાના ગ્રુપમાં જુદા જુદા મંત્રીઓને બોલાવીને તેમનો રિપોર્ટ જોઈ રહ્યા છે અને તેમની સાથે બેઠકમાં જેપી નડ્ડા પણ સામેલ થઈ રહ્યા છે.
મોદી સરકારના કેબિનેટમાં ફેરબદલ થશે તેવી અટકળો થઈ તેજ
નવા ચહેરાઓને કેબિનેટ સ્થાન અપાય તેવી શક્યતા
નીતિશ કુમારની પાર્ટી દ્વારા કરવામાં આવી માંગ
દિલ્હીમાં મેરેથોન બેઠકોનો દોર
ભારતના રાજકારણમાં છેલ્લા 15 દિવસથી ભારે હલચલ મચી ગઈ છે. એક બાજુ આવતા વર્ષે જ્યાં જ્યાં વિધાનસભા ચૂંટણી છે ત્યાં ભાજપે અત્યારથી ફીડબેક લેવાનું ચાલુ કરી દીધું છે તથા નેતાઓની દોડધામ વધી ગઈ છે ત્યાં બીજી બાજુ દિલ્હીમાં મોદી સરકારના કેબિનેટનો વિસ્તાર થશે એવી વાતો એ દિલ્હીની રાજકારણમાં ગરમાવો લાવી દીધો છે. કેબિનેટમાં ફેરબદલ થશે એવી વાતો છે વધારે હવા મળવા લાગી જ્યારે સૂત્રો અનુસાર દાવો કરવામાં આવ્યો કે પીએમ મોદી જુદા જુદા મંત્રીઓના રિપોર્ટ જોઈ રહ્યા છે. એવામાં બિહારથી મોટી માંગ કરવામાં આવી છે.
જેડીયુએ પોતાનો મંત્રી બનાવવા પ્રેશર ઊભું કર્યુ
મોદી સરકારના મંત્રીમંડળમાં ફરી ફેરફારના સંકેત દેખાઈ રહ્યા છે. પ્રધાનમંત્રી મોદી અત્યારે બધા જ મંત્રીઓના કામકાજ એટલે કે રિપોર્ટ કાર્ડની સમીક્ષા કરી રહ્યા છે ત્યારે બિહારથી આ મુદ્દે મોટા સમાચાર સામે આવી રહ્યા છે. જેડીયુના રાષ્ટ્રીય અધ્યક્ષે કહ્યું કે મોદી સરકારના મંત્રીમંડળમાં જેડીયુને ભાગીદારી મળવી જ જોઈએ. તેમણે કયું કે NDAમાં સામેલ બધી જ પાર્ટીઓનું સન્માન કરવું જોઈએ.
કોણ કોણ મંત્રી બનવાની રેસમાં આગળ?
નોંધનીય છે કે પીએમ મોદીની ટીમમાં અત્યારે 21 કેબિનેટ મંત્રી છે જ્યારે 29 રાજ્ય મંત્રીઑ છે. આ સિવાય 9 રાજ્યમંત્રીને સ્વતંત્ર પ્રભાર આપવામાં આવ્યો છે. માણવાના આવી રહ્યું છે કે આસામના પૂર્વ સીએમ સર્વાનન્દ સોનોવાલ, બિહારના મોટા નેતા સુશીલ મોદી, જ્યોતિરાદિત્ય સિંધિયા જેવા નામ ચર્ચામાં છે જ્યારે હવે જેડીયુએ પણ માંગણી કરી દેતા તેમની પાર્ટીમાંથી પણ કોઈ નેતાને મંત્રી બનાવી દેવાય તેવી શક્યતા છે.
પીએમ મોદી ખુદ કરી રહ્યા છે
પીએમ મોદી પોતે જ સરકારના મંત્રીઓના કામકાજનો રિપોર્ટ જોઈ રહ્યા છે જે હેઠળ ગઇકાલે તેમણે અમિત શાહ અને ભાજપ અધ્યક્ષ સાથે બેઠક પણ કરી હતી. પીએમ મોદી નાના નાના ગ્રુપમાં જુદા જુદા મંત્રીઓને બોલાવીને તેમનો રિપોર્ટ જોઈ રહ્યા છે અને તેમની સાથે બેઠકમાં જેપી નડ્ડા પણ સામેલ થઈ રહ્યા છે. એવામાં માનવામાં આવી રહ્યું છે કે હવે થોડા દિવસ બાદ પીએમ મોદી સરકારના મંત્રીમંડળના વિસ્તાર પર મોટો નિર્ણય લઈ શકે છે.