રાજકારણ / 2022ની ચૂંટણી પહેલા ગુજરાતમાં નવા-જૂની થવાના એંધાણ, સરકારમાં થઈ શકે છે મોટા ફેરબદલ

• 2022 પહેલા ગુજરાતના રાજકારણમાં ફેરફાર
• આગામી સમયમાં સરકારમાં ફેરફાર થાય તેવા એંધાણ 
• ચૂંટણીને ધ્યાને રાખીને જ કરવામાં આવશે ફેરફાર 

વર્ષ 2022માં દેશના છ મોટા રાજ્યોમાં વિધાનસભાની ચૂંટણી થવા જઈ રહી છે. કોરોના વાયરસ મહામારીના સમયમાં આ ચૂંટણીઓ ખૂબ જ અઘરી સાબિત થવાની છે ત્યારે રાજકીય પાર્ટીઓએ પોતપોતાની તૈયારીઓ અત્યારથી ચાલુ કરી દીધી છે. 

2022ની વિધાનસભા ચૂંટણી પહેલા એકશન મોડમાં ભાજપ
ભારતીય જનતા પાર્ટી માટે ઉત્તરપ્રદેશ અને ગુજરાત ખૂબ જ મહત્વપૂર્ણ રાજ્ય ગણી શકાય. એવામાં છેલ્લા એક મહિનાથી જ્યાં ઉત્તરપ્રદેશમાં ભાજપમાં હલચલ વધી છે ત્યાં હવે ગુજરાતમાં પણ ભાજપ નવા જૂની કરે તેવા એંધાણ છે. ગુજરાતમાં 15મી જૂને ભાજપના બધા જ ધારાસભ્યોને ગાંધીનગરમાં બેઠકમાં હાજર થવા માટે પણ આદેશ આપી દેવામાં આવ્યો છે ત્યારે 2022 પહેલા ગુજરાતમાં ભાજપ સરકારમાં મોટા ફેરફાર કરી શકે છે. 

નવા મંત્રીમંડળમાં સંગઠનનો દબદબો જોવા મળી શકે છે
સૂત્રો દ્વારા મળતી માહિતી અનુસાર ગુજરાત સરકારના મંત્રીમંડળમાં ફેરફાર થાય તેવી શક્યતા છે. ગુજરાત સરકારમાં મંત્રીમંડળને લઈને ચર્ચા ચાલી રહી હોવાનો માનવામાં આવી રહ્યું છે ત્યારે રાજ્ય સરકારનું મંત્રીમંડળ સંપૂર્ણપણે ભરાઈ શકે છે. આ સિવાય બોર્ડ અને નિગમમાં પણ ફેરબદલના એંધાણ છે. 

રાજ્ય સરકારના મંત્રીમંડળમાં થઈ શકે છે ફેરફાર
ગુજરાત સરકારના મંત્રીમંડળમાં ફેરફાર થાય તેવી શક્યતા છે. સૂત્રોનો દાવો છે કે હવે મંત્રીમંડળમાંથી કેટલાક મંત્રીઓને પડતાં મુકાઇ શકે છે જ્યારે 4થી 5 નવઆ ચહેરાઓને સ્થાન આપવામાં આવી શકે છે. આટલું જ નહીં હાલમાં જે મંત્રીઑ છે તેમના ખાતા પણ બદલાઈ શકે છે. નવઆ મંત્રીમંડળમાં સંગઠનનો દબદબો જોવા મળે તેવી શક્યતા છે જ્યારે ઉત્તર ગુજરાત અને મધ્ય ગુજરાતના નેતાઓને પ્રાધાન્ય આપવામાં આવી શકે છે. નોંધનીય છે કે જે પણ ફેરફાર થાય તે આગામી ચૂંટણીને ધ્યાને રાખીને જ કરવામાં આવશે અને તેના આધારે જ નેતાઓને જવાબદારી સોંપવામાં આવશે.