મોદી અહીંથી લડે તો જીતાડી દઈશું કોંગ્રેસને દિલ્હીથી રાહુલ સિવાય બીજું કોઈ ચલાવે છે: કુંવરજી

લોકસભા ચૂંટણી આડે છે ત્યારે ગુજરાત સહિત દેશભરના રાજકારણમાં હલચલ તેજ થઈ ગઈ છે. પીએમ મોદી અને રાહુલ ગાંધી પણ હવે મેદાને આવી ગયા છે ત્યારે આ ચૂંટણીમાં જીત બંને પક્ષો માટે ઇજ્જતનો સવાલ બની ગયો છે. ચૂંટણી માહોલ ઊભો થયો છે ત્યારે ખાસ કરીને VTVએ પોતાના વિશેષ કાર્યક્રમ 'ચક્રવ્યૂહ'માં ગુજરાતના દિગ્ગજ નેતાઓને કેટલાંક તીખાં સવાલો પૂછીને તેમની પ્રતિક્રિયા જાણવાનો પ્રયાસ કર્યો છે. 

અમારા આ કાર્યક્રમમાં કોંગ્રેસમાંથી ભાજપમાં આવેલા દિગ્ગજ નેતા અને હાલમાં ગુજરાત સરકારના મંત્રી કુંવરજી બાવળિયા હાજર રહ્યાં હતાં. 



વીટીવીના 'ચક્રવ્યુહ' કાર્યક્રમમાં કેબિનેત મંત્રી કુંવરજી બાવળિયા

કોંગ્રેસે મને કોરાણે મૂક્યો હતો: કુંવરજી બાવળિયા 
વીટીવીના 'ચક્રવ્યુહ' કાર્યક્રમમાં કેબિનેટ મંત્રી કુંવરજી બાવળિયાએ કહ્યું કે કોગ્રેસમાં મારી અવગણના નહીં મને કોરાણે મુક્યો હતો. કુંવરજીના ગયા પછી કોંગ્રસની હાલત શું થઇ તે બધા જાણે છે. કોળી જ્ઞાતિએ મને બહુ આપ્યું છે. ભાજપમાં મારી કોઇ કોળી આગેવાન સાથે મારી હરીફાઇ નથી. સોમાભાઇ પટેલને મેં જ મોટા કર્યા છે. પુજાભાઇ વંશ તો કુવામાંને દેડકા જેવા છે. મને મોટા ભાગના કોળી સમાજનો ટેકો છે. 

શું હવે પછી મુખ્યમંત્રી કોળી સમાજમાંથી હોવો જાઇએ ?
કોળી સમાજમાં મુખ્યમંત્રી વિશે વિચારતા નથી. નાયબ મુખ્યમંત્રી વિશે પણ અમે કાંઇ વિચાર્યું નથી. મુખ્યમંત્રી અને નાયબ મુખ્યમંત્રીની વાત એ વિરોધીઓની ચાલ છે. પાર્ટી કોઇ પણ હોય કુંવરજીને ઇગ્નોર ન કરી શકે. ગુજરાતમાં ખેડૂતો માટે અમારી સરકાર કામ કરી રહી છે. ખેડૂતોની સ્થિતિ વધારે સારી કરવાની જરુર છે.

ખેડૂતોને 6000 કરતા વધુ મળવા જોઇતા હતા...
ખેડૂતોના ખેતરમાં પાણી પહોંચાડવાની જરુર છે જે અમે કરીશું. ખેડૂતોના દેવા માફ કરી શકાય તેમ નથી. બધા જ ખેડૂતો દેવું વધી જવાથી આત્મહત્યા નથી કરતા. ખેડૂતોને 6000 કરતા વધારે મળવા જોઇતા હતા.

ધાનાણી અને ચાવડાને લઇને કહ્યું કંઇક આવું...
હા મેં મારા મતવિસ્તારમાં વધારે પૈસા ફળવ્યા હતા. કોંગ્રેસમાં આજે શું સ્થિતિ છે તે બધા જાણે છે. કોંગ્રેસ અંદરોઅદર લડીને ખતમ થઇ ગઇ. કોંગ્રેસમાં ધાનાણી-ચાવડા બન્ને ખરાબ છે.

હજુ કોંગ્રેસમાંથી વિકેટ પાડીશું...
દિલ્હી બેઠેલા નેતા ગુજરાત કોંગ્રેસ હજુ ચલાવે છે. દિલ્હી જઇએ ત્યારે તે સાહેબને મળવા બહાર બેસી રહેતા. કેટલાક કોંગ્રેસી ધારાસભ્યો અમારા સંપર્કમાં છે. સમય આવ્યે અમે પણ વિકેટ પાડીશું. નરેન્દ્ર મોદી રાજકોટથી લડશે તો જીતાડીશું.