ડખો / મહેમદાવાદમાં પોલિંગ બૂથ પર થયું એવું કે ભાજપ ઉમેદવાર થયા દોડતા, લોકોની પોલીસ સાથે બોલાચાલી

• EVMમાં ખામી સર્જાતા ગામ લોકોએ કેબિનેટ મંત્રીને બોલાવ્યા 
• EVM મશીન ખોરવાતા મતદાનની પ્રક્રિયા અટકી 
• મતદાન કરવા આવતા વૃદ્ધ લોકો EVMનું બટન જોરથી દબાવે છે 

આજે મધ્ય ગુજરાત અને ઉત્તર ગુજરાતની 93 બેઠકો પર સવારના 8 વાગ્યાથી મતદાન પ્રક્રિયા શરૂ થઈ ગઈ છે. બીજા તબક્કાના મતદાનમાં ઉત્તર ગુજરાત અને મધ્ય ગુજરાતના 14 જિલ્લાની 93 બેઠકોનો 26 હજાર 409 મતદાન મથકો પર મતદાન શરૂ થયું છે. જેમાં 8,533 શહેરી મતદાન મથકો અને 17 હજાર 876 ગ્રામ્ય વિસ્તારના મતદાન મથકોનો સમાવેશ થાય છે. આજે 14 જિલ્લાના 2 કરોડ 51 લાખ 58 હજાર 730 મતદારો પોતાના મત્તાધિકારનો ઉપયોગ કરશે. બીજા તબક્કાની 93 બેઠકો પર કુલ 833 ઉમેદવારો મેદાનમાં છે. બીજા તબક્કામાં મુખ્યમંત્રી, 8 મંત્રી અને 60 સિટીંગ ધારાસભ્યો સહિત ભાજપ, કોંગ્રેસ-NCP અને આપના 279 ઉમેદવારો સહિત કુલ 833 ઉમેદવારોનું ભાવિ EVMમાં સીલ થશે. આગામી 8મી ડિસેમ્બરના રોજ મતગણતરી હાથ ધરવામાં આવશે.    

EVMમાં ખામી સર્જાતા ગામ લોકોએ કેબિનેટ મંત્રીને બોલાવ્યા 
ઉત્તર ગુજરાત અને મધ્ય ગુજરાતના 14 જિલ્લામાં જોરશોરથી મતદાન થઈ રહ્યું છે અને લોકો લાઇનમાં ઊભા રહીને પણ મતદાન પ્રક્રિયામાં ભાગ લઈ રહ્યા છે. 1 વાગ્યા સુધીમાં કુલ 29% જેટલું મતદાન થયું છે. એવામાં હાલ જણાવ મળ્યું છે કે મહેમદાવાદ તાલુકાના કેસરા ગામના EVM મશીનમાં ખામી સર્જાઈ હતી. મતદાનના મહાપર્વના દિવસે મતદાન પ્રક્રિયા અટવાતા કેસરા મતદાન મથકે મતદારોની લાંબી લાઈન લાગી હતી. આ સાથે જ EVMમાં ખામી સર્જાતા ગામ લોકોએ કેબિનેટ મંત્રી અર્જુનસિંહને ચૌહાણને બોલાવ્યા હતા. મળતી જાણકારી અનુસાર એ સમયે પોલીસ વચ્ચે થઇ બોલાચાલી પણ થઇ હતી. જો કે અર્જુનસિંહ ચૌહાણ તુરંત પહોંચ્યા કેસરા ખાતે મતદાન મથકે પંહોચ્યાં હતા એનએ પરિસ્થિત શું છે એ વિશે જાણકારી પણ મેળવી હતી. સાથે જ કેબિનેટ મંત્રી અર્જુનસિંહને ચૌહાણે પ્રિસાઇડિંગ ઓફિસરને વહેલી તકે મતદાન શરૂ કરાવવા અપીલ કરી હતી. 

મતદાન કરવા આવતા વૃદ્ધ લોકો EVMનું બટન જોરથી દબાવે છે 
પ્રિસાઇડિંગ ઓફિસરે આ વાત વિશે જણાવતા કહ્યું હતું કે, 'EVM મશીનમાં તકલીફ નથી પણ જે ગામડાના વૃદ્ધ લોકો આવે છે તે મશીનના બટનને જોરથી કે બે વખત દબાવે છે એટલા માટે મશીનમાં એરર આવે છે. એ પછી ફરી એ બટન દબાવીને અમારે ફરી શરૂ કરવું પડે છે એટલે એ એરર દૂર થઈ જાય છે. એનો મતલબ એમ છે કે EVM મશીનમાં કોઈ તકલીફ નથી. '

EVM મશીન ખોરવાતા મતદાનની પ્રક્રિયા અટકી 
ગુજરાતના બીજા તબક્કાની ચૂંટણીમાં મતદાન સમયે કેસરા ગામ સિવાય ગુજરાતની બે જગ્યાઓ પર EVM મશીન ખોરવાતા મતદાનની પ્રક્રિયા અટકી ગઈ છે. મળતી જાણકારી અનુસાર વડોદરાના પાદરામાં મતદાન મથક 101 પર EVM મશીન ખોટકાયુ છે. EVM મશીન ખોટવાતા મતદાન મથક 101 પર મતદારોની લાંબી લાઈનો લાગી છે. આ સિવાય આજ સવારથી મહીસાગર જીલ્લાની 3 વિધાનસભામાં મતદાન શરૂ થયું હતું અને લોકોમાં મતદાન કરવાનો અનેરો ઉત્સાહ પણ દેખાઈ રહ્યો હતો. એવામાં જાણવા મળ્યું છે કે ખાનપુર ના બાકોર ગામે બુથ 3 EVM મશીન ખોરવાયું છે. જો કે જીલ્લા વહીવટી વિભાગ દ્વારા 2 વાર મશીન બદલવામાં આવ્યું છે એ છતાં પણ મતદાન શરૂ ન થતા  મતદારોમાં ભારે રોષ જોવા મળ્યો હતો. હાલ બૂથ નંબર 3માં મતદાનના મહાપર્વની ઉજવણી માટે મતદારોની લાગી લાંબી કતાર લાગી છે.