બેઠક / CM ભુપેન્દ્ર પટેલની અધ્યક્ષતામાં આજે યોજાશે કેબિનેટની બેઠક, જાણો કયા મુદ્દે કરાશે ચર્ચા ?

• આજે ગુજરાત સરકારની કેબિનેટ બેઠક યોજાશે 
• બજેટ, કોરોના, ઓફલાઈન શિક્ષણ મુદ્દે ચર્ચા
• કિશન ભરવાડ હત્યા કેસની પણ થઈ શકે છે ચર્ચા

આજે ગાંધીનગર ખાતે યોજાનારી બેઠકમાં વિવિધ મુદ્દે થઈ શકે છે મંથન

ગાંધીનગર ખાતે આજે મુખ્યમંત્રી ભુપેન્દ્ર પટેલની અધ્યક્ષતામાં કેબિનેટની બેઠકનું આયોજન કરવામાં આવ્યુ  છે. ત્યારે આજે ગાંધીનગર ખાતે મુખ્યમંત્રી ભૂપેન્દ્ર પટેલની અધ્યક્ષતામાં મળનારી આ બેઠક મહત્વની ગણાશે. આ બેઠકમાં ગત રોજ લોકસભામાં નાણામંત્રી દ્વારા રજૂ કરાયેલું કેન્દ્રીય બજેટ પર ચર્ચા કરવામાં આવશે તેમજ આગામી દિવસોમાં રાજ્ય સરકારના આગામી બજેટ અંગે પણ સમીક્ષા કરવામાં આવશે. આ  સાથે બેઠકમાં કોરોનાની વર્તમાન સ્થિતિ અને શાળાઓમાં ઓફલાઈન શિક્ષણ શરૂ કરવા નિર્ણય લેવાઈ શકે છે. આ ઉપરાંત કિશન ભરવાડ હત્યા કેસ અંગે પણ ચર્ચાની શક્યા છે     

રાજ્યમાં છેલ્લા 24 કલાકમાં  કોરોનાના 8338 કેસ નોંધાયા

ઉલ્લેખનીય છે કે,  ગુજરાતમાં કોરોનાની સ્થિતિ ધીરે ધીરે કાબૂમાં આવતી જાય છે ત્યારે છેલ્લા 24 કલાકમાં 8338 કેસ કોરોના પોઝિટિવ આવતા 3જી લહેરનો અંત થોડા દિવસમાં થઇ જશે તેવા એંધાણ વર્તાઇ રહ્યા છે. જો કે, સૌથી વધુ અમદાવાદ શહેરમાં 2654 કેસ સામે આવ્યા છે જ્યારે સુરત શહેરમાં 257 કેસ તો રાજકોટ શહેરમાં 475 કેસ, વડોદરા શહેરમાં 1712 કેસ સામે આવ્યા છે. ગાંધીનગર શહેરમાં 223કેસ, ભાવનગર શહેરમાં 80 કેસ સામે આવ્યા છે.