CM ભૂપેન્દ્ર પટેલની અધ્યક્ષતાવાળી કેબિનેટ બેઠકમાં આજે જંત્રીના નિર્ણય અંગે ચર્ચા થશે સાથે જ G20 બેઠકની તૈયારી અને બજેટ સત્ર સંદર્ભે પણ ચર્ચા થઇ શકે છે.
આજે CM ભૂપેન્દ્ર પટેલની અધ્યક્ષતા કેબિનેટ બેઠક
જંત્રી સંદર્ભે મળેલી રજૂઆતો અને રાજકીય અસર અંગે ચર્ચા થશે
G20 બેઠકની તૈયારી અને બજેટ સત્ર સંદર્ભે પણ બેઠકમાં થઇ શકે ચર્ચા
આજે CM ભૂપેન્દ્ર પટેલની અધ્યક્ષતા કેબિનેટ બેઠક યોજાશે. આજની આ બેઠકમાં જંત્રીના નિર્ણય અંગે ચર્ચા થવાની છે. ગઇકાલથી જંત્રી ભાવ વધારાના નિર્ણય અમલમાં આવ્યા બાદ બિલ્ડર્સમાં રોષ જોવા મળ્યો હતો. એ બાદ જંત્રી સંદર્ભે મળેલી રજૂઆતો માટે હાલ રાજકીય અસર અંગે ચર્ચા કરવામાં આવશે. આજ યોજવા જઈ રહેલ આ બેઠકમાં ચર્ચા કર્યા બાદ જંત્રી અંગે નિર્ણય લેવાઈ શકે છે. આ સાથે જ CM ભૂપેન્દ્ર પટેલની અધ્યક્ષતાવાળી આ કેબિનેટ બેઠકમાં G20 બેઠકની તૈયારી અને બજેટ સત્ર સંદર્ભે પણ ચર્ચા થઇ શકે છે. સાથે જ બજેટ સત્ર દરમિયાન રજૂ થનારા બિલ બાબતે પણ ચર્ચા કરવામાં આવશે. આ ઉપરાંત પેપરલીક મામલે બની રહેલા નવા કાયદા સંદર્ભે પણ ચર્ચા થશે.
જંત્રીના ભાવવધારા અંગે થશે ચર્ચા
રાજ્યમાં જંત્રીના ભાવમાં ડબલ વધારા બાદ બિલ્ડર્સમાં રોષ જોવા મળી રહ્યો છે. આ રોષ સાથે બિલ્ડર એસોસિએશને મુખ્યમંત્રી સાથે બેઠક પણ યોજી હતી. આ બધાની વચ્ચે પૂર્વ નાયબ મુખ્યમંત્રી નીતિન પટેલે જંત્રીના ભાવ વધારા મામલે નિવેદન આપતા કહ્યું હતું કે રાજ્ય સરકારે 11 વર્ષથી જંત્રીના ભાવમાં વધારો કર્યો નથી. દેશના મોટાભાગના રાજ્યો દર 2-3 વર્ષે જંત્રીના ભાવ વધારે છે.' ગાઉ વર્ષ 2011માં જંત્રીના દરોમાં સુધારો કરવામાં આવ્યો હતો અને હવે 12 વર્ષ પછી તેમાં વધારો કરવાની વિચારણા સરકારે હાથ ધરી હતી. ક્રેડાઇ અને ડેવલપર્સની મીટીંગ બાદ મુખ્યમંત્રી ભુપેન્દ્ર પટેલ સાથે અધિકારીઓની બેઠક કરી હતી અને હવે રજુઆત બાદ જંત્રીના ભાવ વધારા અને સમય અંગે સરકાર આજની બેઠકમાં મોટો નિર્ણય લઈ શકે છે.
પેપરલીક મામલે બની રહેલા નવા કાયદા સંદર્ભે ચર્ચા
હાલ જુનિયર ક્લાર્ક પરીક્ષાનું પેપએર લીક થાય બાદ યુવાઓમાં ભારે રોષ જોવા મળ્યો હતો. આ પેપર લીકની ઘટના રોકવા માટે રાજ્ય સરકાર કડક કાયદા બનાવશે. આ સાથે દરેક સરકારી પરીક્ષા પર મોનિટરિંગ રાખવા માટે એક એજન્સી રચના કરવામાં આવશે. જેમાં પોલીસ ભરતી બોર્ડના ચેરમેન વિકાસ સહાય અને લોક રક્ષક ભરતી બોર્ડના ચેરમેન હસમુખ પટેલને જવાબદારી સોંપવામાં આવશે.