કેન્દ્રનો નિર્ણય / ગરીબોને 5 વર્ષ સુધી મળતું રહેશે મફત અનાજ, મોદી સરકારે લંબાવી મોટી યોજના

પીએમ મોદીની આગેવાનીમાં બુધવારે મળેલી કેન્દ્રીય કેબિનેટની બેઠકમાં એક મોટો નિર્ણય લેવાયો છે. કેન્દ્રીય કેબિનેટે પ્રધાનમંત્રી ગરીબ કલ્યાણ અન્ન યોજનાને વધુ પાંચ વર્ષ એટલે કે 2028 સુધી લંબાવાનો નિર્ણય કર્યો છે. આ યોજના હેઠળ દેશના 81 કરોડ ગરીબોને પાંચ વર્ષ સુધી મફત અનાજ મળતું રહેશે.

કેન્દ્રની તિજોરી પર 11.8 લાખ કરોડનો બોજો

કેબિનેટ બેઠક બાદ કેન્દ્રીય મંત્રી અનુરાગ ઠાકુરે એવું કહ્યું કે પ્રધાનમંત્રી ગરીબ કલ્યાણ અન્ન યોજના લંબાવાને કારણે કેન્દ્રની તિજોરી પર 11.8 લાખ કરોડનો બોજો પડશે. આ યોજના 1 જાન્યુઆરી 2024થી લાગુ પડશે. તેમણે કહ્યું કે સરકાર માટે પૈસાની કોઈ કમી નથી.

પીએમ મોદીએ યોજના લંબાવાનું આપ્યું હતું વચન

ઉલ્લેખનીય છે કે છત્તીસગઢની રેલીમાં પીએમ મોદીએ મફત રેશનની યોજનાને 5 વર્ષ લંબાવાનું જણાવ્યું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ