PM મોદીની અધ્યક્ષતામાં થયેલી કેબિનેટની બેઠકમાં સરકારે BSNLને 4G અને 5G સ્પેક્ટ્રમ ખરીદવા માટે 89,047 કરોડ રૂપિયાનાં પેકેજને મંજૂરી આપી છે.
કેબિનેટ મીટિંગમાં સરકારે લીધો મોટો નિર્ણય
BSNLનાં 89 હજાર કરોડ રૂપિયાનાં બજેટને મળી મંજૂરી
4G અને 5G સ્પેક્ટ્રમ ખરીદવા માટેનાં પ્રોજેક્ટની લીલીઝંડી
દેશભરનાં BSNL યૂઝર્સ માટે ગુડ ન્યૂઝ! ટૂંક જ સમયમાં BSNL યૂઝર્સ 4G અને 5G સેવાઓનો લાભ ઉઠાવી શકશે. આજે PM મોદીની અધ્યક્ષતામાં થયેલી કેબિનેટની બેઠકમાં સરકારે BSNLને 4G અને 5G સ્પેક્ટ્રમ ખરીદવા માટે 89,047 કરોડ રૂપિયાનાં પેકેજને મંજૂરી આપી છે. આ સર્વિસનો લાભ ખાસ કરીને ગામડાં અને નાના શહેરોનાં ગ્રાહકોને મળશે.
Cabinet approves Rs 89,047 cr for spectrum allocation to BSNL for 4G and 5G services: Statement
નવેમ્બર-ડિસેમ્બર સુધી 5Gમાં બદલી દેવામાં આવશે
હાલમાં કેન્દ્રીય મંત્રી અશ્વિની વૈષ્ણવે કહ્યું હતું કે સરકારી ક્ષેત્રની દૂરસંચારની કંપની BSNL જૂનનાં મધ્ય સુધીમાં 200 સ્થાનો પર 4G સેવાઓ આપવાનું શરૂ કરશે. BSNLએ દેશમાં જ નિર્મિત 4G ટેલિકોમ ઉપકરણોને ચંડીગઢ અને દેહરાદૂનની વચ્ચે 200 સ્થાનો પર લગાવ્યું છે. આ સાથે જ તેમણે કહ્યું કે આ વર્ષનાં નવેમ્બર-ડિસેમ્બર સુધી BSNLનાં 4G નેટવર્કને અપગ્રેડ કરીને 5Gમાં બદલી દેવામાં આવશે.
દેશભરમાં 1.23 લાખથી વધારે જગ્યાઓ પર લાગશે ઉપકરણો
BSNLએ 4G નેટવર્કની સ્થાપના માટે TCS અને ITIને 19000 કરોડ રૂપિયાથી વધારેનો ઓર્ડર આપ્યો છે. આ ઉપકરણો દેશભરમાં 1.23 લાખથી વધારે જગ્યાઓ પર લગાવવામાં આવશે. કેન્દ્રીય મંત્રી અશ્વિની વૈષ્ણવે કહ્યું કે,' BSNL જે સ્પીડથી નેટવર્ક લગાડશે તેને જોઈને તમે ચોંકી જશો. ત્રણ મહિના સુધી પરીક્ષણ ચાલ્યા બાદ અમે એક દિવસમાં 200 જગ્યાઓ પર નેટવર્ક લગાવશું. શરૂઆતમાં આ નેટવર્ક 4Gનાં રૂપમાં કામ કરશે અને નવેમ્બર-ડિસેમ્બર સુધી સોફ્ટવેર અપડેટ બાદ તેને 5Gમાં બદલી દેવામાં આવશે.'