કેબિનેટનો નિર્ણય / 80 કરોડ ગરીબોને મળતું રહેશે મફત અનાજ, મોદી સરકારે લંબાવી ગરીબ કલ્યાણ યોજના

• 80 કરોડ ગરીબોને મળતું રહેશે મફત અનાજ
• કેન્દ્ર સરકારે મફત અનાજની યોજના વધુ 3 મહિના લંબાવી
• ડિસેમ્બર 2022 સુધી ચાલતી રહેશે યોજના
• સરકાર પર પડશે 44,700 કરોડનો બોજો 

ગરીબોનું પેટ ભરતી મોટી યોજનાને વધુ 3 મહિના લંબાવાઈ છે. મોદી કેબિનેટ પીએમ ગરીબ કલ્યાણ અન્ન યોજનાને વધુ 3 મહિના લંબાવવાનો નિર્ણય લીધો છે. પીએમ ગરીબ કલ્યાણ યોજનાની મુદત 30 સપ્ટેમ્બરે પુરી થતી હતી પરંતુ તેના બે દિવસ પહેલા કેન્દ્રીય કેબિનેટની બેઠકમાં તેને વધુ 3 મહિના લંબાવી દીધી છે. વધુ 3 મહિના યોજના લંબાવવાને કારણે સરકારી તિજોરી પર 44,700 કરોડનો બોજો પડશે. 

Delhi | The central cabinet has decided to extend PMGKAY (free ration) scheme for the next 3 months: Union minister Anurag Thakur pic.twitter.com/4ha7bdvQDx

— ANI (@ANI) September 28, 2022

80 કરોડ ગરીબોને મળતું રહેશે મફત અનાજ 
કેન્દ્રીય કેબિનેટ દ્વારા મફત અનાજ યોજનાને વધુ 3 મહિના લંબાવવામાં આવતા 80 કરોડ ગરીબોને ડિસેમ્બર 2022 સુધી મફત અનાજ મળતું રહેશે. 

માર્ચમાં આ યોજના 6 મહિના માટે લંબાવાઈ હતી 
કેન્દ્ર સરકારે માર્ચ 2022માં આ યોજનાને 6 મહિના માટે લંબાવી હતી જેની મુદત 30 સપ્ટેમ્બરે પૂરી થતી હતી પરંતુ હવે તેને લંબાવીને ડિસેમ્બર 2022 સુધી કરી દેવાઈ છે. કેન્દ્ર સરકારના એક રિપોર્ટ અનુસાર, અત્યાર સુધી ફૂડ કોર્પોરેશન ઓફ ઇન્ડિયા પાસે અનાજના સ્ટોકની કોઇ કમી નથી. 1 ઓગસ્ટ સુધીમાં, સરકાર પાસે સેન્ટ્રલ પૂલમાં 28 મિલિયન ટન ચોખા અને 26.7 મિલિયન ટન ઘઉં હતા. 

Free ration to 80 crore for three more months till December 2022 to cost Rs 44,700 crore: I&B Minister

— Press Trust of India (@PTI_News) September 28, 2022

કોરોના મહામારીમાં શરુ કરવામાં આવી હતી મફત અનાજની યોજના 
કોરોના મહામારીમાં શરૂ થયેલી આ યોજના હેઠળ ગરીબોને અનાજ મફતમાં આપવામાં આવે છે. આ યોજનાને ચલાવવા માટે સરકારને દર વર્ષે 18 અબજ ડોલર ખર્ચવા પડે છે. મફત અનાજ યોજના હેઠળ 80 કરોડ લોકોને મફત અનાજ આપવામાં આવે છે. આ પહેલા ખાદ્ય મંત્રાલયે કેન્દ્ર સરકારને એક પત્ર લખ્યો હતો, જેમાં આ યોજનાને 3 મહિના સુધી વધારવાની વાત કહેવામાં આવી હતી.