કર્ણાટકની રાજધાની બેંગલુરૂમાં એક મહિલા પત્રકારની સામે કેબ ડ્રાઈવરે અશ્લિલ હરકત કરી. મહિલાએ જોરથી બૂમો પાડતા આરોપી ત્યાંથી નાસી ગયો. હવે પોલીસ તેની તપાસ કરી રહી છે.
બેંગલુરૂમાં એક મહિલા પત્રકારની સામે કેબ ડ્રાઈવરે અશ્લિલ હરકત કરી
OLA એ ડ્રાઈવરને કર્યો સસ્પેન્ડ, પોલીસ કરી રહી છે તપાસ
OLA એ ડ્રાઈવરને કર્યો સસ્પેન્ડ
પત્રકારે સોશિયલ મીડિયામાં આ ઘટનાનો ઉલ્લેખ કર્યો છે. તેમણે જણાવ્યું કે તે કેબમાં ઓફિસથી ઘરે આવી રહી હતી ત્યારે કેબના ડ્રાઈવરે તેની સામે હસ્તમૈથુન કરવાનું શરૂ કર્યુ. જ્યારે પત્રકારે બૂમો પાડી તો આરોપી ભાગી ગયો. એક રિપોર્ટ મુજબ, પીડિત મહિલા પત્રકારે જણાવ્યું કે ડ્રાઈવર એવુ બતાવવાનો પ્રયાસ કરી રહ્યો હતો કે તેણે કશું ખોટુ કર્યુ નથી. જ્યારે મહિલા પત્રકારે જોરથી બૂમો પાડી તો ડ્રાઈવર તેને મુકીને ભાગી ગયો. મહિલા પત્રકારના આરોપો બાદ OLA ડ્રાઈવરને સસ્પેન્ડ કરી દેવામાં આવ્યો છે. જ્યારે બેંગલુરૂના પોલીસ કમિશ્નર કમલ પંતે આ ઘટના પર દુ:ખ દર્શાવતા કહ્યું છે કે આરોપીની ટૂંક સમયમાં ધરપકડ કરવામાં આવશે.
હું એક અંધારામાં હતી
મહિલા પત્રકારે લખ્યું, જે શહેરને હું પોતાનુ ઘર કહુ છુ, ત્યાં આજે મને ડર લાગી રહ્યો છે. કામ બાદ જ્યારે હું ઘરે પાછી આવતી હતી ત્યારે ઓલા કેબનો ડ્રાઈવર મારી સામે હસ્તમૈથુન કરી રહ્યો હતો. ડ્રાઈવર એવુ વિચારી રહ્યો હતો કે હું તેના પર ધ્યાન આપતી નથી. પછી તે એવુ દર્શાવવા લાગ્યો કે તેણે કશું ખોટું કર્યુ નથી. મેં એ વખતે બૂમો પાડી તો તેણે કેબ રોકી દીધી. કમનસીબે એ વખતે હું એક અંધારામાં હતી. તે થોડી વખત રોકાયો અને ત્યાંથી ફરાર થઇ ગયો.
થોડા સમય પછી મળી બીજી રાઈડ
મહિલા પત્રકારે કહ્યું કે કેબમાં ઈમરજન્સી નંબર હતો. પરંતુ જ્યારે તમે આવી મુશ્કેલ સ્થિતિમાં મુકાવો છો ત્યારે તમને કશું યાદ રહેતુ નથી. તમારો પ્રથમ પ્રયાસ એ હોય છે કે આ સ્થિતિમાંથી બહાર કેવીરીતે નિકળવુ. જોકે, નસીબ સારુ હતુ કે થોડા સમય પછી મને બીજી રાઈડ મળી. તેમણે કહ્યું કે ઓલાએ ડ્રાઈવરને સસ્પેન્ડ કર્યો છે. પરંતુ કામ પતાવ્યાં બાદ અમે ઘરે પાછા આવતી વખતે કેવીરીતે સુરક્ષિત અનુભવીએ? શું અમે કામ કરવાનું બંધ કરી દઈએ?