જો તમે તામિલનાડુના રહેવાસી છો અને રસ્તા પર બેફામ ટ્રાફિક નિયમોન ધજાગરા ઉડાવતા વાહન ચલાવી રહ્યાં છો તો પછી ખાસ ધ્યાન રાખજો. શુક્રવારથી રાજ્યના ટ્રાફિક નિયમો બદલાઈ રહ્યાં છે, જે નિયમોનુ ઉલ્લંઘન કરનારા લોકોના ખિસ્સા પર તવાઈ બોલાવાશે.
બેફામ વાહન ચલાવનારા ચેતી જજો
ટ્રાફિક નિયમોમાં થઇ રહ્યાં છે ફેરફાર
જો નિયમોનું થશે ઉલ્લંઘન તો ખિસ્સા થશે ખાલી
50 રૂપિયાથી લઇને 500 રૂપિયા સુધીનો દંડ ભરવો પડશે
આ ઉપરાંત રાજ્યમાં ઑટો-કેબ ચાલકોની મનમાની પર પણ લગામ લગાવાશે. તામિલનાડુમાં આજથી એટલેકે 28 ઓક્ટોબરથી રાજ્યના ટ્રાફિક નિયમોમાં મોટો ફેરફાર થઇ રહ્યો છે. આ નવા ફેરફાર રાજ્યમાં કેબ અને ઓટો ચાલકોની મનમાની પર ગાળીયો કસનારું સાબિત થશે. જે હેઠળ જો કોઈ કેબ અથવા ઑટો યાત્રીઓને લઇ જવાની ના પાડે છે અથવા રાઈડ કેન્સલ કરે છે તો તેમને 50 રૂપિયાથી લઇને 500 રૂપિયા સુધીનો દંડ ભરવો પડી શકે છે.
કેબ-ઑટોમાં પ્રવાસ કરનારા લોકોને રાહત
તામિલનાડુ સરકાર તરફથી ટ્રાફિક નિયમોમાં કરાઈ રહેલા આ ફેરફાર એવા યાત્રીઓ માટે ખૂબ રાહતભર્યા સાબિત થશે, જે મોટાભાગે કેબ અથવા પછી ઑટોમાં પ્રવાસ કરે છે. મીડિયા રિપોર્ટસ મુજબ લાંબા સમયથી આ પ્રકારના મામલા સામે આવી રહ્યાં હતા કે કેબ ચાલક બુક કરવામાં આવેલી રાઈડને છેલ્લે ટાઈમે કેન્સલ કરી દે છે અથવા પછી ઓટો ડ્રાઈવર યાત્રીઓને પોતાના સ્થળે લઇ જવામાં ના પાડે છે.
યાત્રીઓને હવે ઓટો-કેબ સરળતાથી ઉપલબ્ધ થશે
જેને ધ્યાનમાં રાખીને સરકારના નવા નિયમો હેઠળ જો કેબ, ઑટો અથવા અન્ય વાહનો યાત્રીઓને લઇ જવાની ના પાડે છે તો તેના પર 50 રૂપિયાથી 500 રૂપિયાની વચ્ચે દંડ લાગશે. જેનાથી સૌથી મોટી રાહત એ હશે કે યાત્રીઓને ઓટો-કેબ હવે કોઈ પણ સમયે કોઈ પણ લોકેશન માટે સરળતાથી ઉપલબ્ધ થઇ શકશે.
ટ્રાફિક નિયમ તોડવો પડશે મોંઘો
રિપોર્ટ મુજબ બાઈક ચલાવતી સમયે જો તમે મોબાઈલ, ટેબ, મ્યુઝિક પ્લેયરનો ઉપયોગ કર્યો તો 1000 રૂપિયાનો દંડ ભરવો પડશે. દંડ ભર્યા બાદ પણ જો આવી હરકત કરો છો અને પકડાઈ જાઓ છો તો પછી બીજી વખત દંડની રકમ 10 ગણી એટલેકે 10,000 રૂપિયા થઇ જશે. આ ઉપરાંત તમે લાયસન્સ વગર કાર ચલાવતા પકડાઈ જાઓ છો તો 5000 રૂપિયા અને સિગ્નલ જંપિગ પર પહેલી વખત 1000 રૂપિયા અને બીજી વખતમાં 10,000 રૂપિયાનો દંડ ભરવો પડશે.