અમદાવાદમાં શાહઆલમ વિસ્તારમાં હિંસા મામલે પોલીસે વોન્ટેડ આરોપી મુફીસ અહેમદની ધરપકડ કરી છે. અમદાવાદ પોલીસે વોન્ટેડ આરોપી સહિત કુલ 6 આરોપીઓની ધરપકડ કરી છે. મુફીસે સોશિયલ મીડિયા ઉપર CAA નો વિરોધ કરવા માટે જાહેર જનતાને ભડકાવી હતી.
મુફીસ અહેમદે રેલી માટે પોલીસ પાસે માગી હતી મંજૂરી
હિંસા બાદ મુફીદ અંસારી થયો હતો ફરાર
પોલીસે મુફીસ અંસારી સહિત 6 લોકોની કરી ધરપકડ
ગુજરાતમાં CAA-NRC મુદ્દે ગુજરાતીઓને ભડકાવીને અમદાવાદના શાહઆલમમાં પોલીસ ઉપર પથ્થરમારો કરનાર મોસ્ટ વોન્ટેડ આરોપીઓની ધરપકડ કરવામાં આવી છે.
મુફીસ અહેમદ અંસારીએ સોશિયલ મીડિયામાં લોકોને ઉશ્કેરવાનો પ્રયાસ કર્યો હતો. હિંસા થયાના બે દિવસ પહેલા મુફીસે વીડિયો વાયરલ કર્યો હતો. અને 19 ડિસેમ્બરે થવાની રેલીમાં મોટી સંખ્યામાં લોકોને જોડાવવા માટે આહ્વાન કર્યુ હતુ. શાહઆલમમાં હિંસા થયા બાદ મુફીદ અંસારી ફરાર થયો હતો. હિંસા બાદથી જ પોલીસે મુફીદને શોધી રહી હતી. ત્યારે હવે પોલીસે મુફીસ અંસારી સહિત 6 લોકોની ધરપકડ કરીને કાર્યવાહી હાથધરી છે.
CCTV અને મીડિયા કવરેજને આધારે કરી તપાસ
ગુરુવારે 19મી ડિસેમ્બરને દિવસે અમદાવાદમાં શાહઆલમમાં 5000થી વધુના ટોળાએ 60 જેટલા પોલીસકર્મીઓ ઉપર પથ્થરમારો કર્યો હતો. જેને પગલે સમગ્ર ગુજરાતમાં તંગદીલી સર્જાઈ હતી. 1 મહિલા પોલીસકર્મી સહિત 21 પોલીસ ઓફિસર ઘાયલ થયા હતા. આ પથ્થરમારા અંગે પોલીસે કાનૂની કાર્યવાહી હાથ ધરી હતી અને 5000ના ટોળાને ભડકાવનારની તપાસ CCTV અને મીડિયા ફૂટેજને આધારે શરૂ કરી હતી જેમાં પોલીસને સફળતા મળી છે.