નાગરકિતા કાયદાના વિરોધમાં જુમાની નમાજ બાદ જામા મસ્જિદ પર પ્રદર્શન શરૂ થઇ ગયું. અહીં પોલીસે બેરિકેડિંગ કરી રાખ્યું છે. શુક્રવારની નમાજ અને કેટલાક સંગઠનો દ્વારા સંશોધિત નાગરિકતા કાયદાની વિરુદ્ધ પ્રદર્શનોને આહ્વાન કર્યા બાદ રાષ્ટ્રીય રાજધાનીના ઉત્તર પૂર્વી જિલ્લાના કેટલાક ક્ષેત્રોમાં પોલીસે ફ્લેગ માર્ચ કર્યું. કેટલાક સ્થાનો પર ભારે પોલીસ દળ તહેનાત કરવામાં આવ્યું છે.
ઉત્તર પૂર્વી દિલ્હીના વિસ્તારોમાં ફ્લેગ માર્ચ કરવામાં આવી
સ્થિતિ પર નજર રાખવા માટે દિલ્હી પોલીસ ડ્રોનની મદદ પણ લઇ રહી છે
દિલ્હીની આસપાસના વિસ્તારોમાં શુક્રવારે ઇન્ટરનેટ સેવા બંધ કરી દેવાઇ છે
પોલીસે જણાવ્યુ કે, ઉત્તર પૂર્વી દિલ્હીના સીલમપુર, જાફરાબાદ, વેલકમ અને મુસ્તફાબાદ વિસ્તારોમાં ફ્લેગ માર્ચ કરવામાં આવી. આ ઉપરાંત, ઉત્તર પૂર્વી દિલ્હીમાં કાયદા વ્યવસ્થાને કાયમ રાખવા માટે નજીકના જિલ્લામાંથી બોલાવવામાં આવેલી પોલીસ દળ અને અર્ધસૈનિક દળોની 15 કંપનીઓને તહેનાત કરવામાં આવી છે. સ્થિતિ પર નજર રાખવા માટે દિલ્હી પોલીસ ડ્રોનની મદદ પણ લઇ રહી છે.
પોલીસ તરફથી આપવામાં આવેલી જાણકારી મુજબ, જામિયાન નગર, જામા મસ્જિદ અને ચાણક્યપુરીમાં ભારે પોલીસ દળ તહેનાત કરવામાં આવી છે. પોલીસ ડેપ્યૂટી કમિશનર વેદ પ્રકાશ સૂર્યએ કહ્યું, 'વિસ્તારમાં કાયદા-વ્યવસ્થા બની રહે, એ સુનિશ્ચિત કરવા માટે અમે અમન સમિતિના સદસ્યો સાથે ઉત્તર પૂર્વ દિલ્હીમાં ફ્લેગ માર્ચ કરી રહ્યા છીએ. બીજી તરફ દિલ્હીની જામા મસ્જિદમાં જુમ્માની નમાજ બાદ પ્રદર્શન થયું.
દિલ્હી પોલીસે જણાવ્યું કે સુરક્ષા વ્યવસ્થા માટે સીલમપુર, વેકલમ, જામા મસ્જિદ, મુસ્તફાબાદ સહિત કેટલાય સંવેદનશીલ વિસ્તારોમાં પોલીસ તહેનાત છે અને સતત શાંતિની અપીલ કરવામાં આવી રહી છે. દિલ્હીની આસપાસના વિસ્તારોમાં શુક્રવારે ઇન્ટરનેટ સેવા બંધ કરી દેવાઇ છે.
વડાપ્રધાન આવાસ તરફ વધી રહેલા પ્રદર્શનકારીઓને રોકવામાં આવ્યા
જોરબાગમાં CAA ની વિરુદ્ધ પ્રદર્શન કરી રહેલા લોકોને લોકકલ્યાણ માર્ગ તરફ આગળ વધવાની કોશિશ કરી, પરંતુ પોલીસે તેમને રસ્તામાં જ રોકી લીધા.