અભિયાન / CAA-NRC મુદ્દે બબાલ યથાવત, ભાજપ દેશભરમાં લોકોના આ રીતે દૂર કરશે 'ભ્રમ'

• CAA-NRC મુદ્દે દેશભરમાં હોબાળો 
• ભાજપ યોજશે દેશભરમાં જન જાગૃતિ અભિયાન 
• વિવિધ સ્થળે 250 પ્રેસ કોન્ફરન્સનું થશે આયોજન 

ભાજપના વચગાળાના પ્રમુખ જે.પી.નડ્ડાએ આજે જન જાગરણ અભિયાન માટે રચાયેલી સમિતિના સભ્યો સાથે બેઠક યોજી હતી. આ દરમિયાન સમગ્ર દેશમાં 15 દિવસીય કાર્યક્રમ યોજવાનો નિર્ણય લેવામાં આવ્યો હતો. તે જ સમયે, ભાજપ એનઆરસી, સીએએ અને એનપીઆર પર પણ ડોર-ટુ-ડોર પ્રચાર હાથ ધરશે.

250 પ્રેસ કોન્ફરન્સનું થશે આયોજન 

ભાજપ ડોર ટુ ડોર અભિયાન દ્વારા 3 કરોડ મુસ્લિમ પરિવારોને સીએએ, એનઆરસી અને એનપીઆર વિશે જણાવાશે. તે જ સમયે, ભાજપ આ મુદ્દાઓ પર 250 પ્રેસ કોન્ફરન્સ યોજશે. આ સાથે 200-1000 ના જૂથોની મીટીંગો યોજાશે.

દિલ્હીમાં અભિયાન મુદ્દે યોજાઇ બેઠક 

આપને જાણાવી દિઇએ કે, દેશમાં એનઆરસી અને સીએએને લઈને લોકો રસ્તા પર ઉતરી આવ્યા છે. લોકો આ મુદ્દાઓ પર સરકારનો વિરોધ કરી રહ્યા છે. આજે મળેલી બેઠકમાં બી.એલ. સંતોષ, મુખ્તાર અબ્બાસ નકવી, કિરણ રિજિજુ, અર્જુનરામ મેઘવાલ, ગજેન્દ્રસિંહ શેખાવત, અનુરાગ ઠાકુર, દેવેન્દ્ર ફડણવીસ જેવા ભાજપના ઘણા મોટા નેતાઓએ ભાગ લીધો હતો.