મહામારી / COVID-19ને કારણે CAની તમામ પરીક્ષાઓ રદ્દ કરાઈ, હવે આ તારીખે લેવાશે પરીક્ષા

• 3.25 લાખ વિદ્યાર્થીઓની પરીક્ષાઓ હવે નવેમ્બરની પરીક્ષા સાથે મર્જ કરાશે
• ફાઈનલના વિદ્યાર્થીઓને 6 મહિનાનું નુકશાન 
• ગઈકાલે કરાઈ જાહેરાત

ઈન્સ્ટિટયુટ ઓફ ચાર્ટડ એકાઉન્ટન્ટસ ઓફ ઈન્ડિયા દ્વારા દર વર્ષે મે અને નવેમ્બર એમ બે વાર પરીક્ષા લેવામા આવે છે. ફાઉન્ડેશન,ઈન્ટરમીડિએટ અને ફાઈનલ સહિતની તમામ પરીક્ષાઓ બે સાયકલમાં લેવાતી હોઈ મે મહિનાની પરીક્ષાઓ કોરોનામાં નેશનલ લોકડાઉનને લીધે મોકુફ કરી દેવામા આવી હતી અને 19 જુનથી 4 જુલાઈ દરમિયાન પરીક્ષાઓ ગોઠવાઈ હતી. ઈન્સ્ટિટયુટ ઓફ ચાર્ટડ એકાઉન્ટન્ટસ ઓફ ઈન્ડિયા દ્વારા દર વર્ષે મે અને નવેમ્બર એમ બે વાર પરીક્ષા લેવામા આવે છે.

29મી જુલાઈથી 16 ઓગસ્ટ દરમિયાન યોજવાનુ નક્કી કરાયુ હતું

પરતુ નેશનલ લોકડાઉન વધતા અને કોરોનાની સ્થિતિને ધ્યાનમાં રાખતા ફરીથી પરીક્ષાઓ મોકુફ કરી 29મી જુલાઈથી 16 ઓગસ્ટ દરમિયાન યોજવાનુ નક્કી કરાયુ હતું. સીએની પરીક્ષાઓને લઈને સુપ્રિમકોર્ટમાં પિટિશન પણ થી હતી.જે અંતર્ગત ઈન્સ્ટિટયુટ દ્વારા જે રાજ્યમાં વિદ્યાર્થીઓ પરીક્ષા આપી ન શકે તેઓને ઓપ્ટ-આઉટના ઓપ્શન આપવામા આવ્યા હતા અને જે વિદ્યાર્થીઓ આપવા માંગે છે અને નથી આપવા માંગતા તેઓ માટે 30 જુન સુધી રજિસ્ટ્રેશન પણ કરવામા આવ્યુ હતું.

ગઈકાલે કરાઈ જાહેરાત

જ્યારે બીજી બાજુ કોરોનાના કેસ વધતા કેટલાક રાજ્યોએ 31 જુલાઈ સુધી લોકડાઉન વધારી દેતા અને કેન્દ્ર સરકારે પણ 31 જુલાઈ સુધી કોલેજો-સ્કૂલો બંધ રાખતા સીએની પરીક્ષાઓ માટે સેન્ટરો મળી શકે તેમ ન હતા. ઉપરાંત અનેક રાજ્યોમાં કોરોનાના કેસો પણ ખૂબ જ મોટી સંખ્યામાં વધી રહ્યા હતા. જેને પગલે અંતે ઈન્સ્ટિટયુટ દ્વારા ગઈકાલે મોડી રાત્રે નોટિફિકેશન કરીને તમામ પરીક્ષાઓ રદ કરવાની જાહેરાત કરાઈ છે.

હવે નવેમ્બરમાં લેવાશે પરીક્ષા

મે મહિનાની સાયકલની ફાઉન્ડેશન, ઈન્ટર અને ફાઈનલ પરીક્ષાઓ રદ કરી હવે નવેમ્બરની સાયકલ સાથે મર્જ કરાશે.ઈન્સ્ટિટયુટ દ્વારા કરાયેલી જાહેરાત મુજબ વિદ્યાર્થીઓએ અગાઉ ચુકવેલી રજિસ્ટ્રેશન ફી નવેમ્બરની પરીક્ષામાં માફ કરાશે એટલે કે વિદ્યાર્થીઓએ નવેસરથી ફી નહી ભરવી પડે. મે મહિનાની પરીક્ષા હવે નવેમ્બરમાં આપી શકાસે. અ

ફાઈનલના વિદ્યાર્થીઓને 6 મહિનાનું નુકશાન 

મે મહિનાની પરીક્ષા માટે અરજી કરનારા વિદ્યાર્થીઓને નવેમ્બર પરીક્ષા માટે અરજી કરતી વખતે તેમના ગ્રુપ અને પરીક્ષા કેન્દ્ર બદલવાના વિકલ્પ મળશે. હવે નવેમ્બરમાં બંને સાયકલના વિદ્યાર્થીઓ સાથે વિદ્યાર્થી સંખ્યા ઘણી વધશે જો કે મેની પરીક્ષાઓ રદ થતા અનેક વિદ્યાર્થીઓને ખાસ કરીને સીએ ફાઈનલના વિદ્યાર્થીઓને 6 મહિનાનું નુકશાન થયુ છે.