સવાલ / C R Patil: સૌરાષ્ટ્રમાં રેલી બાદ અનેક નેતા કોરોના પોઝિટિવ તો પણ ઉત્તર ગુજરાતમાં પુનરાવર્તન કેમ?

• અંબાજીમાં ભાજપ  પ્રદેશ પ્રમુખ સી.આર.પાટીલનો રોડ શો
•  ભાજપ દ્વારા સતત કોવિડના  નિયમોનું ઉલ્લંઘન 
•  સૌરાષ્ટ્રમાં પાટીલના પ્રવાસ બાદ અનેક નેતાઓ કોરોના સંક્રમિત

સી.આર.પાટીલની રેલી ફરી બની વિવાદનું કેન્દ્ર બની ગઇ છે. કોરોનાના સંકટમાં સૌરાષ્ટ્ર જેવા જ દ્રશ્યો અંબાજીમાં પણ જોવા મળ્યાં. કોવિડ-19ના નિયમોનો સરેઆમ ભંગ થયો જોવા મળ્યો. 

કોવિડની ગાઇડ લાઇન મુજબ જાહેર રાજકિય મેળાવડા પર પણ પ્રતિબંધ છે પરંતુ આ કદાવર નેતા કોરોનાના સંક્રમણથી અજાણ હોય અને ગાઇડ લાઇને નિયમો જાણે તેમને લાગૂ ન પડતાં હોય તેમ એક પછી એક આવા જાહેર કાર્યક્રમો યોજી રહ્યાં છે.

સૌરાષ્ટ્રના સી આર પાટિલના પ્રવાસ દરમિયાન પણ આવા જ બેદરકારીના દ્વશ્યો જોવા મળ્યાં હતા. ત્યારબાદ કેટલાક નેતા સંક્રમિત થયા હતા જો કે સી આર પાટિલે સૌરાષ્ટ્રના પ્રવાસમાંથી પણ કંઇ જ સીખ નથી લીધી. તેવું સ્પષ્ટપણે કરી શકાય. 

કદાવર નેતાઓની આ નાસમજી કોરોના સંકટમાં ખરેખર ચિંતાજનક છે. આ સ્થિતિ અને દ્રશ્યો જોઇને અનેક સવાલ થાય કે શું આ નેતા કોરોનની સ્થિતિથી અજાણ છે. શું સામાન્ય લોકોને લાગૂ પડતાં નિયમો આ નેતાને લાગૂ પડતાં નથી. જો જનતાના પ્રતિનિધિ જ નહીં સમજે સામાજિક જવાબદારી તો કઇ રીતે હારશે કોરોના.