ગુજરાત ભાજપ પ્રદેશ પ્રમુખ સી. આ. પાટીલ હાલ ઉત્તર ગુજરાતના પ્રવાસે છે. ભાજપ પ્રદેશ પ્રમુખ રાજ્યમાં આગામી પેટાચૂંટણી પહેલા આંતરિક સંગઠનમાં ચાલી રહેલી ખેંચતાણને દૂર કરવાનો પ્રયત્ન કરી રહ્યાં છે. ત્યારે ઉત્તર ગુજરાતના પ્રવાસમાં પ્રદેશના વધુ એક દિગ્ગજ નેતા ભીખુ દલસાણિયા ભાજપ પ્રદેશ પ્રમુખ સાથે જોડાયાં છે.
સી.આર.પાટીલના પ્રવાસમાં ભીખુ દલસાણિયા જોડાયા
ઉત્તર ગુજરાત પ્રવાસમાં ભીખુ દલસાણિયાની હાજરી
પાટીદાર સમાજના નેતાઓનું પાટીલ ફરતે કવચ
ગુજરાતમાં થોડા સમયમાં આગામી સમયમાં પેટાચૂંટણીને લઇને જાહેરાત થાય તેવી શક્યતા વચ્ચે નવા પ્રદેશ પ્રમુખ સી. આર. પાટીલે અગાઉ સૌરાષ્ટ્રનો પ્રવાસ કર્યો ત્યારબાદ હવે ગઇકાલથી ઉત્તર ગુજરાતની મુલાકાત લઇ રહ્યાં છે. ત્યારે ઉત્તર ગુજરાતના પ્રવાસમાં તેમની સાથે ભીખુ દલસાણિયા જોડાયાં છે.
જો કે એક અટકળ મુજબ ભીખુ દલસાણિયાને પક્ષમાં મોટી જવાબદારી મળી શકે છે. જો કે તેઓ આ અગાઉ સી. આર. પાટીલની પ્રમુખ તરીકે નિમણૂંકથી નારાજ હોવાને લઇને ચર્ચાએ વેગ પકડયો હતો. જો કે હાલ પ્રદેશ પ્રમુખ ફરતે પાટીદાર સમાજનું કવચ કરવામાં આવ્યું છે.
ઉલ્લેખનીય છે કે આ અગાઉ ગોરધન ઝડફિયા, કે.સી. પટેલ બાદ હવે ભીખુ દલસાણિયાને જવાબદારી સોંપવામાં આવી છે. આમ ભાજપ પક્ષ કોઇપણ રીતે પાટીદાર સમાજની નારાજગી દૂર કરવાનો પ્રયાસ કરી રહ્યું હોય તેવું જોવામાં આવી રહ્યું છ.
આ અગાઉ સૂત્રોના જણાવ્યાં અનુસાર ભીખુ દલસાણિયા ગત અઠવાડિયે દિલ્હીની મુલાકાતે ગયા હતા. પક્ષમાં મહામંત્રી તરીકે ભીખુ દલસાણિયાની મજબુત પકડ છે. સૌરાષ્ટ્રના પાટીદાર સમાજનું દલસાણિયાને મજબૂત પીઠબળ છે.