અમદાવાદમાં રિવરફ્રન્ટ પર સી-પ્લેન પ્રોજેક્ટની તૈયારી ચાલી રહી છે. રિવરફ્રન્ટ ખાતે એરપોર્ટ ટર્મિનલની તૈયારી શરૂ કરી દેવાઇ છે. ત્યારે આવશ્યક પ્રાથમિક ફાયર સેફ્ટીની સુવિધા અમદાવાદ મનપા પૂરી પાડશે.
એરપોર્ટ ટર્મિનલની તૈયારી શરૂ કરાઇ
ફાયર સેફ્ટીની સુવિધા AMC પૂરી પાડશે
સી-પ્લેનમાં 14 લોકો કરી શકશે મુસાફરી
અમદાવાદમાં રિવરફ્રન્ટ પર સી-પ્લેન પ્રોજેક્ટની તૈયારી ચાલી રહી છે. રિવરફ્રન્ટ ખાતે એરપોર્ટ ટર્મિનલની તૈયારી શરૂ કરી દેવાઇ છે. ત્યારે આવશ્યક પ્રાથમિક ફાયર સેફ્ટીની સુવિધા અમદાવાદ મનપા પૂરી પાડશે. ઉપરાંત વ્હીકલ પાર્કિંગ માટે પણ ખાસ જગ્યા બનાવાશે. અને રોજની 4 ફ્લાઇટ આવશે અને 4 ફ્લાઇટ જશે તેવું આયોજન કરવામાં આવી રહ્યું છે. 14 પ્રવાસીઓ એક સી-પ્લેનમાં મુસાફરી કરી શકે તેવી વ્યવસ્થા કરાઇ રહી છે.
રાષ્ટ્રીય એકતા દિવસની ઉજવણી માટે પી.એમ. મોદી કેવડિયા આવવાના છે તેવું જાણવા મળ્યું છે. ત્યારે તળાવ 3 માં સી.પ્લેન થી આવશે અમદાવાદ સાબરમતી નદી માંથી ઉડાન ભરી સીધા કેવડિયા નર્મદા બંધ આવશે તેવું જાણવા મળ્યું છે ત્યારે આ માટે ગુજરાતમાંથી તમામ તૈયારી કરવામાં આવી રહી છે. જેને માટે માટે મગર પકડવાની કામગીરી ચાલુ કરી દેવામાં આવી છે.
અમદાવાદથી કેવડીયા સુધી 31 ઓકટોબર-2020થી શરૂ કરી શકાય એ માટે તંત્ર દ્વારા અમદાવાદ શહેરનાં આંબેડકર બ્રિજ પાસે તડામાર તૈયારીઓ શરૂ કરવામાં આવી છે. સી-પ્લેન માટે જેટી આવી ગઈ છે.રીવરફ્રંટના અપર પ્રોમેનાડ પર એરપોર્ટ બિલ્ડીંગ ઉપરાંત ટર્મિનલ અને વોચ ટાવર બનાવવાનું પણ આયોજન કરવામાં આવ્યું છે. ઉપરાંત વ્હીકલ પાર્કીંગ માટે પણ ખાસ પાર્કીંગ સ્પેસ ઉભી કરવામાં આવશે. ઉપરાંત ફલોટીંગ જેટીની કનેકટિવીટી માટે એક બ્રીજ તૈયાર કરાશે.
આ બ્રીજ નદીના પાણીને લેવલમાં રાખી જેટીને કનેકટિવીટી કરી આપશે. ઓથોરીટી જયાં સુધી પોતાની સ્વાયત્ત ફાયર સિસ્ટમ પ્રણાલી, ફાયર ફાઈટીંગ બોટ, રેસ્કયુ વ્હીકલ અને સ્ટાફ સાથે ઉભી નહીં કરે ત્યાં સુધી મ્યુનિ.ફાયર વિભાગ દ્વારા સી-પ્લેન માટે જરૂરી એવી ફાયર ફાઈટીંગ સિસ્ટમ અને રેસ્કયુ સિસ્ટમ ઉપલબ્ધ કરાવશે.
સી-પ્લેન માટે નદીના પાણીમાં રન-વે બનાવવા માટે બોયાની મદદ લેવામાં આવશે. બોયા સી-પ્લેનને આવવા અને જવા માટેનો ચોકકસ રન-વે ઉપલબ્ધ કરાવશે. બોયાની મર્યાદામાં જ સી-પ્લેનને આવવા-જવાનું રહેશે. અમદાવાદ અને કેવડીયા વચ્ચે રોજ અંદાજે કુલ આઠ ફલાઈટનું આયોજન હાલ વિચારણા હેઠળ છે. ચાર ફલાઈટ અમદાવાદથી ઉપડે અને ચાર ફલાઈટ કેવડીયાથી અમદાવાદ પરત ફરે એ પ્રમાણેનું નકકી કરવામાં આવી રહ્યું છે. સી-પ્લેનમાં 14 પેસેન્જરોની સિટીંગ કેપેસિટી હોવાનું જાણવા મળ્યું છે.