કાર્યવાહી / 'ભોગ બનનારા રોકાણકારો ફરિયાદ નોંધાવે..' BZ કૌભાંડ મામલે CID ક્રાઈમના ADGPનું નિવેદન

BZ પોન્ઝી સ્કીમના કૌભાંડને લઈ તપાસનો ધમધમાટ ચાલી રહ્યો છે. ત્યારે CID ક્રાઈમના ADGP રાજકુમાર પાંડીયન વિગતો આપતા જણાવ્યું કે, ''BZ ગ્રુપના એજન્ટ રોકાણકારોને ફરિયાદ ન કરવાનું દબાણ કરી રહ્યાં છે. એજન્ટોની ઓળખ કરવામાં આવી છે, તેમની સામે કાર્યવાહી કરવામાં આવશે, લોકોની ફરિયાદના આધારે અમે કાર્યવાહી કરી રહ્યાં છીએ''

BZ કૌભાંડ મામલે CID ક્રાઈમના ADGPનું નિવેદન

CID ક્રાઈમના ADGP રાજકુમાર પાંડીયનએ લોકોને અપીલ કરતા કહ્યું કે, ''ભોગ બનનારા રોકાણકારો CID ક્રાઈમમાં ફરિયાદ નોંધાવે અને ગેરકાયદેસર રોકાણ હોવાથી કેટલાક ભોગ બનનાર સામે આવી રહ્યાં નથી, ફરિયાદ જેટલી ઝડપથી થશે તેટલા જ નાણાં ઝડપથી પરત મળી શક્શે'' વધુમાં કહ્યું કે, "હાલ વિદેશી કરન્સીને ફ્રીઝ કરવાની કામગીરી ચાલું છે અને 500 US ડોલર જેટલી રકમ ફ્રીઝ કરવામાં આવી છે અને આરોપીઓની માહિતી તાત્કાલિક CID ક્રાઈમને આપવા અપીલ કરવામાં આવી છે. સાથો સાથ તેમણે ઉમેર્યું કે, ''5-6 ક્રિકેટરોએ રોકાણ કર્યું હોવાની વાત અંગે તપાસ કરાશે તેમજ 2 લાખથી 2 કરોડ સુધીનું ક્રિકેટરોએ રોકાણ કર્યું છે, ભૂપેન્દ્રસિંહ ઝાલાની 22 જેટલી મિલકતો સામે આવી છે ત્યારે ટૂંક સમયમાં તમામ આરોપીઓને ઝડપી લેવામાં આવશે''

કૌભાંડી ભૂપેન્દ્રસિંહ ઝાલા કોર્ટના શરણે

સાબરકાંઠા સહિત સમગ્ર ગુજરાત ભરમાં બી ઝેડ કૌભાંડ મામલે 6000 કરોડની ફરિયાદ નોંધાઈ ચૂકી છે. ત્યારે ભુપેન્દ્રસિંહ ઝાલા કોર્ટના શરણે પહોંચ્યો છે. ધરપકડથી બચવા ભાગેડુ ભૂપેન્દ્રસિંહ ઝાલાએ આગોતરા જામીનની અરજી કરી છે. ભૂપેન્દ્રસિંહ ઝાલાએ ધરપકડથી બચવા અમદાવાદ જિલ્લા સેશન્સ કોર્ટમાં આગોતરા જામીનની અરજી કરી છે. જે અરજી પર 6 ડિસેમ્બરના સુનાવણી હાથ ધરવામાં આવશે

350થી વધુ સ્ટાફ સભ્યો માટે કપરા દિવસો..!

અત્રે જણાવીએ કે, ભુપેન્દ્રસિંહ ઝાલા એ એક વર્ષ અગાઉ ગ્રો મોર કેમ્પસ પોતાના નામે કર્યું હતું જો કે હવે ગ્રોમરમાં અભ્યાસ કરતા 3500થી વધારે વિદ્યાર્થીઓ તેમજ 350થી વધુ સ્ટાફ સભ્યો માટે કપરા દિવસો આવી રહ્યા છે. ગ્લોબલ એજ્યુકેશન કેમ્પસ બની શકે તેમ છે ગ્લોબલ એજ્યુકેશન કેમ્પસમાં 3500 થી વધારે વિદ્યાર્થીઓ અભ્યાસ કરી રહ્યા છે તેમજ 350થી વધારેનો સ્ટાફ અને વિદ્યાર્થીઓના અભ્યાસ સહિત તેમનો હોસ્ટેલ ખર્ચ ભોજન ખર્ચ સહિતનું એકાદ કરોડનું ભારણ આવે છે.

આ પણ વાંચો: પહેલા નકલી પોલીસ.. પછી નકલી જજ, હવે કચ્છમાંથી ઝડપાઈ નકલી EDની ટીમ

મહાકૌભાંડીના અનેક કૌભાંડ

રાજ્યના અનેક લોકોના રૂપિયાથી પોતાનો શોખ પુરો કરનારા મહાકૌભાંડી ભૂપેન્દ્રસિંહ ઝાલાની વધુ એક મિલકત સામે આવી છે. સાબરકાંઠાના ખેડબ્રહ્મામાં BZ ગ્રુપે 21 નવેમ્બરના રોજ ઈલેક્ટ્રોનિક શોરૂમનું ઓપનિંગ કર્યું હતું. જેથી VTVNEWSની ટીમ મહાકૌભાંડીના આ શો-રૂમ પર પહોંચ્યું. આ શો-રૂમ પર 26 નવેમ્બેર CIDએ રેડ પાડી હતી. જેથી અત્યારે આ શોરૂમમાં તાળા લાગ્યા છે. સાથે શોરૂમમાંથી BZ લખાણ લખેલા બોર્ડ પણ ઉતારી લેવામાં આવ્યા છે. મળતી માહિતી મુજબ, ગુણવતસિંહ રાઠોડ નામનો એજન્ટ આ સમગ્ર કારોબાર ચલાવતો હતો. જે 7 દિવસથી ગાયબ છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ