અમદાવાદ / BZ પોન્ઝી સ્કીમ મામલે મોટા સમાચાર, ધરપકડથી બચવા ભૂપેન્દ્રસિંહ ઝાલાની કોર્ટમાં આગોતરા જામીન અરજી

સાબરકાંઠા સહિત સમગ્ર ગુજરાત ભરમાં બી ઝેડ કૌભાંડ મામલે 6000 કરોડની ફરિયાદ નોંધાઈ ચૂકી છે. ત્યારે ભુપેન્દ્રસિંહ ઝાલા કોર્ટના શરણે પહોંચ્યો છે. ધરપકડથી બચવા ભાગેડુ ભૂપેન્દ્રસિંહ ઝાલાએ આગોતરા જામીનની અરજી કરી છે.

કૌભાંડી ભૂપેન્દ્રસિંહ ઝાલા કોર્ટના શરણે

ભૂપેન્દ્રસિંહ ઝાલાએ ધરપકડથી બચવા અમદાવાદ જિલ્લા સેશન્સ કોર્ટમાં આગોતરા જામીનની અરજી કરી છે. જે અરજી પર 6 ડિસેમ્બરના સુનાવણી હાથ ધરવામાં આવશે

350થી વધુ સ્ટાફ સભ્યો માટે કપરા દિવસો..!

અત્રે જણાવીએ કે, ભુપેન્દ્રસિંહ ઝાલા એ એક વર્ષ અગાઉ ગ્રો મોર કેમ્પસ પોતાના નામે કર્યું હતું જો કે હવે ગ્રોમરમાં અભ્યાસ કરતા 3500થી વધારે વિદ્યાર્થીઓ તેમજ 350થી વધુ સ્ટાફ સભ્યો માટે કપરા દિવસો આવી રહ્યા છે. ગ્લોબલ એજ્યુકેશન કેમ્પસ બની શકે તેમ છે ગ્લોબલ એજ્યુકેશન કેમ્પસમાં 3500 થી વધારે વિદ્યાર્થીઓ અભ્યાસ કરી રહ્યા છે તેમજ 350થી વધારેનો સ્ટાફ અને વિદ્યાર્થીઓના અભ્યાસ સહિત તેમનો હોસ્ટેલ ખર્ચ ભોજન ખર્ચ સહિતનું એકાદ કરોડનું ભારણ આવે છે.

આ પણ વાંચો: રાજ્યસભાના સાંસદ ગોવિંદ ધોળકિયાની PM મોદીને અનોખી ભેટ, હીરાથી બનેલો 'નવભારત રત્ન' અર્પણ કરાયો

મહાકૌભાંડીના અનેક કૌભાંડ

રાજ્યના અનેક લોકોના રૂપિયાથી પોતાનો શોખ પુરો કરનારા મહાકૌભાંડી ભૂપેન્દ્રસિંહ ઝાલાની વધુ એક મિલકત સામે આવી છે. સાબરકાંઠાના ખેડબ્રહ્મામાં BZ ગ્રુપે 21 નવેમ્બરના રોજ ઈલેક્ટ્રોનિક શોરૂમનું ઓપનિંગ કર્યું હતું. જેથી VTVNEWSની ટીમ મહાકૌભાંડીના આ શો-રૂમ પર પહોંચ્યું. આ શો-રૂમ પર 26 નવેમ્બેર CIDએ રેડ પાડી હતી. જેથી અત્યારે આ શોરૂમમાં તાળા લાગ્યા છે. સાથે શોરૂમમાંથી BZ લખાણ લખેલા બોર્ડ પણ ઉતારી લેવામાં આવ્યા છે. મળતી માહિતી મુજબ, ગુણવતસિંહ રાઠોડ નામનો એજન્ટ આ સમગ્ર કારોબાર ચલાવતો હતો. જે 7 દિવસથી ગાયબ છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ