અપડેટ / BZ ગ્રુપ સ્કેમ: હવે ભૂપેન્દ્ર ઝાલા વિરૂદ્ધ ચૂંટણી પંચમાં ફરિયાદ, જાણો સમગ્ર મામલો

BZ Group Scam : BZ ગ્રુપ કૌભાંડ કેસમાં સતત નવી અપડેટ સામે આવી રહી છે. આ દરમિયાન સમાચાર સામે આવ્યા છે કે, BZ ગ્રુપના સંચાલક ભૂપેન્દ્ર ઝાલા સામે ચૂંટણી પંચમાં લેખિત ફરિયાદ કરાઇ છે. વિગતો મુજબ કુમાર ભાટ નામના યુવકે હિંમતનગર ચૂંટણી શાખામાં લેખિત ફરિયાદ કરી ભૂપેન્દ્ર ઝાલાએ લોકસભા 2024ની ચૂંટણીમાં ઉમેદવારીમાં વિગતો છૂપાવ્યાનું કહ્યુ છે. આ સાથે ઉમેદવારી પત્ર ભરતી વખતે કરવામાં આવતા એફિડેવિટમાં ફરિયાદ સહિતની વિગતો છુપાવ્યાનું કહેવામાં આવ્યું છે.

સાબરકાંઠાના BZ ગ્રુપ કૌભાંડ મામલે હવે ભૂપેન્દ્ર ઝાલાની મુશ્કેલીમાં સતત વધારો થઈ રહ્યો છે. વાસ્તવમાં કુમાર ભાટ નામના યુવકે હિંમતનગર ચૂંટણી શાખામાં લેખિત ફરિયાદ કરી છે. આ ફરિયાદમાં કહેવામાં આવ્યું છે કે, ભૂપેન્દ્ર ઝાલા સામે આર્મ્સ એક્ટનો ગુનો અમદાવાદમાં નોંધાયો હોવા છતાં એફિડેવિટમાં ફરિયાદ સહિતની વિગતો છૂપાવી છે. નોંધનિય છે કે, ભુપેન્દ્ર સિંહ ઝાલા સામે પહેલાથી જ CID કાઈમમાં ફરિયાદ નોંધાયેલ છે.

BZ પોન્ઝી સ્કીમના કૌભાંડને લઈ તપાસનો ધમધમાટ ચાલી રહ્યો છે. ત્યારે CID ક્રાઈમના ADGP રાજકુમાર પાંડીયન વિગતો આપતા જણાવ્યું કે, ''BZ ગ્રુપના એજન્ટ રોકાણકારોને ફરિયાદ ન કરવાનું દબાણ કરી રહ્યાં છે. એજન્ટોની ઓળખ કરવામાં આવી છે, તેમની સામે કાર્યવાહી કરવામાં આવશે, લોકોની ફરિયાદના આધારે અમે કાર્યવાહી કરી રહ્યાં છીએ''

BZ કૌભાંડ મામલે CID ક્રાઈમના ADGPનું નિવેદન

CID ક્રાઈમના ADGP રાજકુમાર પાંડીયનએ લોકોને અપીલ કરતા કહ્યું કે, ''ભોગ બનનારા રોકાણકારો CID ક્રાઈમમાં ફરિયાદ નોંધાવે અને ગેરકાયદેસર રોકાણ હોવાથી કેટલાક ભોગ બનનાર સામે આવી રહ્યાં નથી, ફરિયાદ જેટલી ઝડપથી થશે તેટલા જ નાણાં ઝડપથી પરત મળી શક્શે'' વધુમાં કહ્યું કે, "હાલ વિદેશી કરન્સીને ફ્રીઝ કરવાની કામગીરી ચાલું છે અને 500 US ડોલર જેટલી રકમ ફ્રીઝ કરવામાં આવી છે અને આરોપીઓની માહિતી તાત્કાલિક CID ક્રાઈમને આપવા અપીલ કરવામાં આવી છે. સાથો સાથ તેમણે ઉમેર્યું કે, ''5-6 ક્રિકેટરોએ રોકાણ કર્યું હોવાની વાત અંગે તપાસ કરાશે તેમજ 2 લાખથી 2 કરોડ સુધીનું ક્રિકેટરોએ રોકાણ કર્યું છે, ભૂપેન્દ્રસિંહ ઝાલાની 22 જેટલી મિલકતો સામે આવી છે ત્યારે ટૂંક સમયમાં તમામ આરોપીઓને ઝડપી લેવામાં આવશે'

કૌભાંડી ભૂપેન્દ્રસિંહ ઝાલા કોર્ટના શરણે

સાબરકાંઠા સહિત સમગ્ર ગુજરાત ભરમાં બી ઝેડ કૌભાંડ મામલે 6000 કરોડની ફરિયાદ નોંધાઈ ચૂકી છે. ત્યારે ભુપેન્દ્રસિંહ ઝાલા કોર્ટના શરણે પહોંચ્યો છે. ધરપકડથી બચવા ભાગેડુ ભૂપેન્દ્રસિંહ ઝાલાએ આગોતરા જામીનની અરજી કરી છે. ભૂપેન્દ્રસિંહ ઝાલાએ ધરપકડથી બચવા અમદાવાદ જિલ્લા સેશન્સ કોર્ટમાં આગોતરા જામીનની અરજી કરી છે. જે અરજી પર 6 ડિસેમ્બરના સુનાવણી હાથ ધરવામાં આવશે.

વધુ વાંચો : Video: ગુજરાતમાં ભર શિયાળે માવઠું! ધરમપુરના અંતરિયાળ વિસ્તારમાં વરસ્યો વરસાદ, ખેડૂતો ટેન્શનમાં

મહાકૌભાંડીના અનેક કૌભાંડ

રાજ્યના અનેક લોકોના રૂપિયાથી પોતાનો શોખ પુરો કરનારા મહાકૌભાંડી ભૂપેન્દ્રસિંહ ઝાલાની વધુ એક મિલકત સામે આવી છે. સાબરકાંઠાના ખેડબ્રહ્મામાં BZ ગ્રુપે 21 નવેમ્બરના રોજ ઈલેક્ટ્રોનિક શોરૂમનું ઓપનિંગ કર્યું હતું. જેથી VTVNEWSની ટીમ મહાકૌભાંડીના આ શો-રૂમ પર પહોંચ્યું. આ શો-રૂમ પર 26 નવેમ્બેર CIDએ રેડ પાડી હતી. જેથી અત્યારે આ શોરૂમમાં તાળા લાગ્યા છે. સાથે શોરૂમમાંથી BZ લખાણ લખેલા બોર્ડ પણ ઉતારી લેવામાં આવ્યા છે. મળતી માહિતી મુજબ, ગુણવતસિંહ રાઠોડ નામનો એજન્ટ આ સમગ્ર કારોબાર ચલાવતો હતો. જે 7 દિવસથી ગાયબ છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ