બંગાળની આસનસોલ લોકસભા અને ચાર વિધાનસભા સીટો પર થયેલી પેટાચૂંટણીમાં ભારતીય જનતા પાર્ટીનો ફિયાસ્કો થયો છે.
પેટાચૂંટણીનું ચિત્ર લગભગ સ્પષ્ટ થઈ ગયું
બંગાળમાં મમતાએ ફરી જાદૂ દેખાડ્યો
પેટાચૂંટણીમાં ભાજપનું પ્રદર્શન નિરાશાજનક
બંગાળની આસનસોલ લોકસભા અને ચાર વિધાનસભા સીટો પર થયેલી પેટાચૂંટણીમાં ભારતીય જનતા પાર્ટીનો ફિયાસ્કો થયો છે. બિહારના બોચહાં સીટ પર હરીફ આરજેડીને નિર્ણાયક લીડ મેળવી લીધી છે. આ ઉપરાંત છત્તીસગઢ અને મહારાષ્ટ્રમાં કોંગ્રેસને ફાયદો થતો જોવા મળે છે. બંગાળમાં પણ સત્તાધારી ટીએમસી જીત તરફ આગળ વધી રહી છે.
શરૂઆતના રૂઝાનમાં આસનસોલમાં ટીએમસી ઉમેદવાર અને અભિનેતા શત્રુધ્ના સિન્હા આગળ ચાલી રહ્યા છે. તો વળી બાલીગંજ વિધાનસભા વિસ્તારમાંથી ભાજપ છોડીને ટીએમસીમાં આવેલા બાબૂલ સુપ્રિયો પણ આગળ ચાલી રહ્યા છે.
બોચહામાં આરજેડીને લીડ
બિહારના બોચહાં સીટ પર થયેલી પેટાચૂંટણીમાં આરજેડીએ નિર્ણાયક લીડ મેળવી છે. નવ રાઉંડની ગણતરી ખતમ ચુકી છે. આરજેડી 11620 મતોથી આગળ ચાલી રહી છે. આરજે કે અમર પાસવાનને 26623, ભાજપના બેબી કુમારીને 15003 અને વીઆઈપી ઉમેદવારને 13512 મત મળ્યા છે.
છત્તીસગઢમાં પણ કોંગ્રેસને લાભ
છત્તીસગઢના રાજનાંદગાવ જિલ્લાના ખૈરાગઢ વિધાનસભા સીટ પર કોંગ્રેસની જીત થતી દેખાઈ રહી છે. કોંગ્રેસ ઉમેદવારની લીડ 5 હજાર વોટથી આગળ છે. આપને જણાવી દઈએ તે, અહીં થયેલી પેટાચૂંટણીમાં લગભગ 78 ટકા લોકોએ પોતાના મતાધિકારનો ઉપયોગ કર્યો હતો. કોંગ્રેસે ચૂંટણી અભિયાન દરમિયાન ખૈરાગઢને નવો જિલ્લા બનાવાનું વચન આપ્યું હતું. ગત વર્ષએ નવેમ્બરમાં જનતા કોંગ્રેસે છત્તીસગઢના ધારાસભ્ય દેવવ્રત સિંહના નિધનના કારણે પેટાચૂંટણી કરવી પડી હતી.
મહારાષ્ટ્રમાં પણ કોંગ્રેસની લીડ
પશ્ચિમી મહારાષ્ટ્રના કોલ્હાપુર ઉત્તર વિધાનસભા ક્ષેત્રમાં થયેલી પેટાચૂંટણીમાં મતોની ગણતરી ચાલુ છે. અહીં 15 ઉમેદવારો મેદાને હતા. મુખ્ય લડાઈ રાજ્યમાં મહા વિકાસ અઘાડી સરકારના સાથી કોંગ્રેસ અને વિપક્ષી ભાજપ વચ્ચે દેખાઈ રહી છે. કોંગ્રેસ અહીં આગળ ચાલી રહી છે. કોંગ્રેસના દિવંગત નેતાની પત્ની જય શ્રી જાધવને મેદાને ઉતાર્યા છે. જ્યારે ભાજપે સત્યજીત કદમને મેદાને ઉતાર્યા છે.