BIG NEWS / બાયડે કોંગ્રેસ-AAP-BJPને કર્યું બાય બાય : જુઓ કયા ઉમેદવારે નોંધાવી જીત

• બાયડ બેઠક ઉપર અપક્ષ ઉમેદવારની જીત 
• અલ્પેશ ઠાકોરના સાથી ધવલસિંહ ઝાલાની જીત
• પૂર્વ મુખ્યમંત્રી શંકરસિંહ વાઘેલાના પુત્ર મહેન્દ્રસિંહની હાર 

અરવલ્લીની બાયડ બેઠક ઉપર ધવલસિંહ ઝાલાની જીત થઈ છે. મહત્વનું છે કે, ભાજપે તેમની ટિકિટ કાપતા તેઓએ અપક્ષ ઉમેદવારી નોંધાવી છે. અરવલ્લી જિલ્લાની બાયડ વિધાનસભા બેઠક પર આ વખતે ખરા-ખરીનો જંગ ખેલાયો હતો. કારણ કે ભાજપે ધવલસિંહ ઝાલાનું પત્તુ કાપીને આ બેઠક પર ભીખીબેન પરમારને ચૂંટણીના મેદાનમાં ઉતાર્યા હતા. જ્યારે કોંગ્રેસે ગુજરાતના પૂર્વ મુખ્યમંત્રી શંકરસિંહ વાઘેલા દીકરા મહેન્દ્રસિંહ વાઘેલાને ટિકિટ આપી હતી. ગુજરાતમાં સત્તા મેળવવા માટે તનતોડ મહેનત કરી રહેલી અને પ્રથમ વખત ગુજરાત વિધાનસભાની ચૂંટણી લડતી આમ આદમી પાર્ટીએ ચુનીભાઈ પટેલને મેદાનમાં ઉતાર્યા હતા. ભાજપ દ્વારા ધવલસિંહની ટિકિટ કાપતા તેઓએ અપક્ષ ઉમેદવારી નોંધાવી હતી. 

બાયડ વિધાનસભા બેઠક રાજકીય દ્રષ્ટિએ  ખાસ 

ઉત્તર ગુજરાતના અરવલ્લી જિલ્લાની બાયડ વિધાનસભા બેઠક રાજકીય દ્રષ્ટિએ  ખાસ ગણાય છે. આ બેઠેકે રાજકીય રીતે અનેક ઉતાર-ચઢાવ જોયા છે. બાયડ હંમેશાથી કોંગ્રેસનો ગઢ રહ્યો છે. આ વખતે આ બેઠક પર ચોપાંખીયો જંગ ખેલાયો હતો. 

2012માં મહેન્દ્રસિંહ વાઘેલાનો થયો હતો વિજય

ગુજરાત વિધાનસભાની 182 બેઠકો પૈકી 32 નંબરની બેઠક બાયડ છે, આ બેઠકને કોંગ્રેસનો ગઢ માનવામાં છે. અત્યાર સુધીમાં આ બેઠક પર ભારતીય જનતા પાર્ટી માત્ર 3 વખત 1990, 1998 અને 2007માં જીત મેળવી શકી છે. વર્ષ 2012 વિધાનસભાની ચૂંટણીમાં કોંગ્રેસના ઉમેદવાર અને પૂર્વ મુખ્યમંત્રીના પુત્ર મહેન્દ્રસિંહ વાઘેલાનો વિજય થયો હતો. જ્યારે વર્ષ 2017ની વિધાનસભાની ચૂંટણીમાં ધવલસિંહ ઝાલા કોંગ્રેસની ટિકિટ પરથી ચૂંટણી જીત્યા હતા. વર્ષ 2018માં મહેન્દ્રસિંહ વાઘેલા ભાજપમાં જોડાયા હતા. જોકે, ત્રણ મહિના બાદ તેઓ ભાજપ સાથે છેડો ફાડી નાખ્યો હતો.

ધવલસિંહ જોડાઈ ગયા હતા ભાજપમાં

તો ધવલસિંહ પણ પોતાના રાજકીય સાથીદાર ક્ષત્રિય ઠાકોર સેનાના પ્રમુખ અલ્પેશ ઠાકોર સાથે ભાજપમાં જોડાયા હતા. જે બાદ પેટાચૂંટણી યોજાઈ હતી. 2019માં બાયડ બેઠક પર પેટા ચૂંટણી યોજાઈ હતી. જેમાં ધવલસિંહ ઝાલાએ ભાજપમાંથી ઉમેદવારી કરી હતી અને કોંગ્રેસે જશુભાઈ પટેલને ટિકિટ આપી હતી. જોકે ધવલસિંહ ઝાલાને પ્રજાએ જાકારો આપ્યો હતો અને જશુભાઈનો વિજય થયો હતો. આ વખતે ભાજપે બાયડ બેઠક પરથી ધવલસિંહનું પત્તુ કાપીને ભીખીબેન પરમારને ટિકિટ આપી હતી.

જાતિ આધારિત સમીકરણ