આધારની ઉપયોગિતા ઘણી છે પરંતુ શું તમને ખબર છે કે આધાર કાર્ડથી તમારૂ બેન્ક બેલેન્સ પણ ચેક કરી શકાય છે? જાણો સિમ્પલ સ્ટેપ્સ
આધાર કાર્ડ ખૂબ જ કામનું ડોક્યુમેન્ટ
તેનાથી ઘણા કામો સરળતાથી પુરા થઈ શકે છે
આધાર કાર્ડથી બેન્ક બેલેન્સ પણ ચેક કરી શકાય છે
તમારું આધાર કાર્ડ ખૂબ જ કામનું ડોક્યુમેન્ટ છે. જેનાથી ઘણા કાર્યો સરળતાથી પૂરા કરી શકાય છે. આધાર કાર્ડ પર 12-અંકનો નંબર હોય છે. જેને આધાર નંબર કહેવામાં આવે છે. યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) આ નંબર જારી કરે છે.
તમારો આધાર નંબર તમારી પર્સનલ ડિટેલ્સ જેમ કે આઇરિસ સ્કેન, ફિંગરપ્રિન્ટ અને ફોટોગ્રાફ સાથે લિંક હોય છે. આધાર કાર્ડનો ઉપયોગ ઓળખ અને સરનામાના પુરાવા તરીકે થાય છે. બેંક સાથે જોડાયેલા કામમાં આધારની ભૂમિકા સૌથી વધુ હોય છે. સરકારી યોજનાઓનો લાભ લેવા માટે પણ આધાર ખૂબ જ મહત્વપૂર્ણ દસ્તાવેજ છે.
આધાર કાર્ડથી ચેક કરો બેન્ક બેલેન્સ
આધારની ઉપયોગીતા તો ઘણી છે, પરંતુ શું તમે જાણો છો કે તમારું બેંક બેલેન્સ પણ આધાર કાર્ડથી ચેક કરી શકાય છે? આધાર સાથે બેંક બેલેન્સ ચેક કરવું ખૂબ જ સરળ છે અને તે અમુક જ સિમ્પલ સ્ટેપ્સમાં થઈ શકે છે.
પરંતુ તે પહેલા તમારે બેંક એકાઉન્ટ અને મોબાઈલ નંબર લિંક કરવો પડશે. જો બન્ને પહેલાથી જ લિંક છે તો બેસ્ટ છે. જે લોકો પાસે ઈન્ટરનેટ સાથે ફોન નથી અથવા જેઓ ઈન્ટરનેટ બેન્કિંગ, ઓનલાઈન બેન્કિંગનો ઉપયોગ કરતા નથી તેમના માટે આ સુવિધા વધુ ઉપયોગી સાબિત થાય છે.
આધાર નંબર પરથી ફિચર ફોન પર પણ બેંક બેલેન્સ જાણી શકો છો. સ્માર્ટફોન પર આ સુવિધા તો હોય જ છે. આવો સ્ટેપ બાય સ્ટેપ પ્રોસેસમાં જાણીએ કે આધારથી બેન્ક બેલેન્સ કઈ રીતે ચેક કરી શકાય છે.
આ પ્રોસેસ કરો ફોલો
તમારા રજિસ્ટર્ડ મોબાઈલ નંબર પરથી *99*99*1# ડાયલ કરો
હવે તમારો 12 અંકનો આધાર નંબર એડ કરો
તે જ નંબર ફરીથી દાખલ કરો અને આધાર નંબર કન્ફર્મ કરો
આ સાથે જ તમારા ફોનની સ્ક્રીન પર બેંક બેલેન્સ દેખાશે. તે ફ્લેશ મેસેજના રૂપમાં આવશે. આ ફ્લેશ મેસેજ UIDAI દ્વારા જ મોકલવામાં આવે છે.
આ વાતોનું રાખો ખાસ ધ્યાન
ધ્યાનમાં રાખો કે UIDAI ની આ SMS સર્વિસમાં OTPથી ઓથેન્ટિકેશનની સુરક્ષા નથી મળતી કારણ કે બેલેન્સ જાણવા માટે OTPનો ઉપયોગ નથી થતો.
મતલબ કે જો કોઈ અન્ય વ્યક્તિ પાસે તમારું આધાર આઈડી છે. તો તે તમારા ખાતાનું બેલેન્સ પણ જાણી શકશે. તેમજ બેંક ખાતાધારકને એ પણ ખબર નથી હોતી કે કોઈએ તેનું બેંક બેલેન્સ ચેક કર્યું છે.