ચૂંટણી પંચની પત્રકાર પરિષદને લઇને DY CM નીતિન પટેલનું નિવેદન સામે આવ્યું છે. ગુજરાતની પેટાચૂંટણી જાહેર થઇ શકે છે,
ચૂંટણી પંચની પત્રકાર પરિષદને લઈ નિવેદન
ગુજરાતની પેટાચૂંટણી જાહેર થઈ શકે છેઃ DyCM
"ચૂંટણી પંચની પત્રકાર પરિષદની રાહ જોઈ રહ્યાં છીએ"
ચૂંટણી પંચની પત્રકાર પરિષદને લઇને DY CM નીતિન પટેલનું નિવેદન સામે આવ્યું છે. ગુજરાતની પેટાચૂંટણી જાહેર થઇ શકે છે, ચૂંટણી પંચની પત્રકાર પરિષદની રાહ જોઇ રહ્યાં છીએ, જાહેરાત બાદ અમે આયોજનપૂર્વક આગળ વધીશું.
ગુજરાતની 8 બેઠકો પરની પેટા ચૂંટણી
ગુજરાતની 8 બેઠકો પરની પેટા ચૂંટણીની તારીખ પણ આજે જાહેર થઈ શકે છે. કપરાડા, ડાંગ, લીંબડી, ગઢડા, ધારી, મોરબી, કરજણ, અબડાસા બેઠક પર પેટા ચૂંટણીની તારીખ જાહેર થઈ શકે છે. ચૂંટણી પંચની પ્રેસ કોન્ફરન્સમાં 8 બેઠકની પેટા ચૂંટણી જાહેરાત થાય તેવી શક્યતા છે. કેન્દ્રીય ચૂંટણી પંચ આ તારીખનું એલાન કરી શકે છે. બિહારની ચૂંટણીની તારીખ સાથે પેટા ચૂંટણીની તારીખ પણ જાહેર થઈ શકે છે.
કુલ 8 ધારાસભ્યે રાજ્યસભાની ચૂંટણી પહેલાં રાજીનામાં આપ્યાં હતાં
માર્ચમાં 5 અને એ પછી ત્રણ ધારાસભ્ય મળીને કોંગ્રેસના કુલ 8 ધારાસભ્યે રાજ્યસભાની ચૂંટણી પહેલાં રાજીનામાં આપ્યાં હતાં, જેને પગલે આ બેઠકો ખાલી પડી છે. કપરાડામાંથી જિતુ ચૌધરી, ડાંગમાંથી મંગળ ગાવિત, લીંબડીમાંથી સોમા પટેલ, ગઢડામાંથી પ્રવીણ મારૂ, ધારીમાંથી જે. વી. કાકડિયા, મોરબીમાંથી બ્રિજેશ મેરજા, કપરાડામાંથી અક્ષય પટેલ અને અબડાસામાંથી પ્રદ્યુમનસિંહ જાડેજાએ રાજીનામાં આપ્યાં હતાં.