જો પીએફ ખાતાધારકો રૂ. 7 લાખનો લાભ મેળવવા માંગતા હોય તો ઈ-નોમિનેશનની પ્રક્રિયા પૂર્ણ કરવી જરૂરી છે. EPFO EDLI વીમા યોજના હેઠળ રૂ. 7 લાખનું વીમા કવચ પ્રદાન કરે છે.
EPFO આપી રહ્યું છે 7 લાખનો લાભ
પરંતુ આ પ્રક્રિયા પૂર્ણ કરવી જરૂરી
જાણો સંપૂર્ણ વિગતે
એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) સંગઠિત ક્ષેત્રમાં કામ કરતા લોકોને મોટી નાણાકીય સહાય આપે છે. તેના દેશભરમાં કરોડો ખાતાધારકો છે જે જરૂર પડ્યે તેમના ખાતામાંથી પૈસા ઉપાડી શકે છે. 60 વર્ષની ઉંમર પૂર્ણ કર્યા પછી, તમે તમારા પીએફ ખાતામાં જમા થયેલ તમામ પૈસા ઉપાડી શકો છો.
દેશમાં વધી રહેલા ડિજિટલાઈઝેશનની સાથે EPFOએ તેની તમામ સુવિધાઓને પણ ડિજિટલ કરી દીધી છે. EPFO તેના ખાતાધારકોને 7 લાખ રૂપિયાનો સંપૂર્ણ લાભ આપે છે. જેના વિશે બહુ ઓછા લોકો જાણતા હોય છે.
તમે કઈ રીતે પ્રાપ્ત કરી શકો ચો 7 લાખ રૂપિયાનો ફાયદો?
જો EPFO ખાતાધારકો 7 લાખ રૂપિયાનો લાભ મેળવવા માંગતા હોય તો ઈ-નોમિનેશનની પ્રક્રિયા પૂર્ણ કરવી ખૂબ જ જરૂરી છે. EPFO એમ્પ્લોઈઝ ડિપોઝિટ લિંક્ડ ઈન્સ્યોરન્સ સ્કીમ હેઠળ દરેક ખાતાધારકને રૂ. 7 લાખનું વીમા કવચ આપે છે.
જો કોઈ ખાતાધારકનું અકસ્માતમાં મૃત્યુ થાય છે. તો આવી સ્થિતિમાં નોમિનીને 7 લાખ રૂપિયાનો સંપૂર્ણ લાભ મળી શકે છે. તે EDLI વીમા યોજના હેઠળ સરળતાથી ક્લેમ લઈ શકે છે. મહત્વનું છે કે કર્મચારી ભવિષ્ય નિધિ યોજના (EPF) અને કર્મચારી પેન્શન યોજના (EPS) યોજનાના લાભાર્થીઓએ તેમના ખાતામાં નોમિનેશનની પ્રક્રિયા પૂર્ણ કરવી જરૂરી છે.
ઈ-નોમિનેશનથી મળે છે આ મોટા ફાયદા
ઈ-નોમિનેશન કર્યા પછી તમારે EPFO ઓફિસમાં જવું પડશે નહીં.
આ પછી તમારે EDLI સ્કીમનો ક્લેમ કરવા માટે દસ્તાવેજોની જરૂર રહેશે નહીં.
તમે એક જ સમયે એક કરતાં વધુ વ્યક્તિને નોમિની બનાવી શકો છો.
નોમિનીને જરૂરિયાત મુજબ બદલી શકાય છે.
નોમિની એકાઉન્ટ ધારકના મૃત્યુ પછી, તમે ઈન્સ્યોરન્સ મની ઓનલાઈન ક્લેમ કરી શકો છો.
EPFO ઈ-નોમિનેશન ઓનલાઈન પ્રક્રિયા
EPFO ઈ-નોમિનેશન માટે, ઈ-સેવા પોર્ટલ www.unifiedportal-mem-epfindia.gov.in પર વિઝિટ કરો.
આગળ UAN અને પાસવર્ડ દાખલ કરીને લોગીન કરો.
ત્યારપછી View Profile ના વિકલ્પ પર પાસપોર્ટ સાઈઝને અપલોડ કરો.
આગળ Manage section પર ક્લિક કરીને ઈ-નોમિનેશનની પ્રક્રિયા પૂર્ણ કરો.
પછી તમારા નોમિનીનું નામ, ડેટ ઓફ બર્થ, આધાર નંબર, બેંક વિગતો વગેરે ભરો.
ત્યારપછી આધાર સાથે જોડાયેલા રજિસ્ટર્ડ મોબાઈલ નંબર પર OTP આવશે, જે એન્ટર કરવાનો છે.
OTP દાખલ થતાંની સાથે જ EPFO ઈ-નોમિનેશનની પ્રક્રિયા પૂર્ણ થઈ જશે.