વિભાગ દ્વારા જારી કરવામાં આવેલી નોટિફિકેશન મુજબ આ ઓનલાઈન સેવાઓ માટે અરજી કરનારા લોકોને તેમની આધાર વિગતો માટે તેમની સહમતિ માંગવામાં આવશે.
આધાર દ્વારા લઈ શકાશે આ 8 સર્વિસનો લાભ
દિલ્હી સરકારે શરૂ કરી ખાસ સર્વિસ
જાણો તેના ફાયદાઓ વિશે
દિલ્હી સરકારના ઉદ્યોગ વિભાગને યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) દ્વારા તેની આઠ ઓનલાઈન સેવાઓ માટે આધાર સ્વીકારવા માટે અધિકૃત કરવામાં આવ્યા છે. અધિકારીઓએ જણાવ્યું કે આધાર 'ફ્રીહોલ્ડ'માં ફેરફાર, લેણાનું ઓનલાઈન પેમેન્ટ અને રિફંડ, ગિરવી રાખવાની મંજૂરી, બાંધકામની મુદત વધારવા માટેની અરજી જેવી ઓનલાઈન સેવાઓ માટે આધાર માન્ય રહેશે.
વિભાગ દ્વારા જારી કરવામાં આવેલી નોટિફિકેશન મુજબ આ ઓનલાઈન સેવાઓ માટે અરજી કરનારા લોકોને તેમની આધાર વિગતો માટે તેમની સહમતિ માંગવામાં આવશે. દસ્તાવેજો અનુસાર, આધાર નંબર અને સંબંધિત માહિતી જે હેતુઓ માટે માંગવામાં આવી છે તે અરજદારોને સ્પષ્ટપણે જણાવવામાં આવશે.
સુરક્ષિત રીતે કલેક્ટ કરવામાં આવશે આધાર નંબર
આધાર દ્વારા વેરિફિકેશન થવાના કિસ્સામાં, અરજદારને કોઈપણ સેવા અથવા લાભથી વંચિત રાખવામાં આવશે નહીં. આધાર નંબર ક્યાંય દર્શાવવામાં આવશે નહીં અને સુરક્ષિત રીતે કલેક્ટ કરવામાં આવશે.
UIDAIએ અગાઉ સૂચના આપી હતી કે જે લોકો પાસે આધાર નંબર અથવા એનરોલમેન્ટ સ્લિપ નથી તેઓને સરકારી સબસિડી અને લાભો નહીં મળે અનેક કામોમાં આધારને જરૂરી બનાવવામાં આવ્યું છે.
ઓનલાઈન સેવાઓને આધાર સાથે લિંક કરવાના છે ફાયદા
UIDAI એ એક વૈધાનિક સંસ્થા છે જેને ભારતના તમામ રહેવાસીઓને 12 અંકના આધાર જારી કરવાની જવાબદારી સોંપવામાં આવી છે. ઓનલાઈન સેવાઓને આધાર સાથે લિંક કરવાના ઘણા ફાયદા છે, જેમ કે આધારની ચકાસણી થતાં જ કામ થઈ જાય છે.
આ માટે ઘણી અલગ-અલગ પ્રક્રિયાઓમાંથી પસાર થવાની જરૂર નથી. આધારથી વ્યક્તિની ઓળખ કરાય છે. એટલા માટે સરકાર આધાર વેરિફિકેશનને ફરજિયાત બનાવી રહી છે.
દિલ્હી સરકારે 8 ઓનલાઈન સેવાઓને આધાર સાથે લિંક કરી
દિલ્હી સરકારની 8 ઓનલાઈન સેવાઓને આધાર સાથે લિંક કરવામાં આવી છે. પરંતુ જો કોઈ વ્યક્તિનું આધાર વેરિફિકેશન ન થયું હોય તો તેને આ ઓનલાઈન સેવાઓથી વંચિત કરવામાં આવશે નહીં. આધાર વેરિફિકેશન નહીં થાય તો પણ કોઈનું કામ અટકશે નહીં.
બેંકનું કામ હોય કે એલપીજી ગેસ સબસિડી હોય, રાશન કાર્ડ હોય કે વોટર આઈડી કાર્ડ, આ બધામાં આધાર લિંક કરવામાં આવી રહ્યું છે જેથી છેતરપિંડી અટકાવી શકાય. આધાર વેરિફિકેશનને ફુલ પ્રૂફ વેરિફિકેશનનો દરજ્જો આપવામાં આવ્યો છે.