ભારત દુનિયાભરમાં મોબાઇલનું સૌથી મોટું બજાર બન્યો છે. તેની સામે ઇન્ટરનેટનો ઉપયોગ કરનારાઓની સંખ્યા પણ સતત વધી રહી છે. દુનિયાભરમાં ભારત એવો દેશ છે જયાં આજે પણ ઇન્ટરનેટ સૌથી સસ્તું છે. દર મહિને અનેક નવા સ્માર્ટફોન લોન્ચ કરવામાં આવે છે.હવે સિસ્કોએ એક અહેવાલમાં કહ્યું છે કે 2023 સુધીમાં ભારતમાં ઇન્ટરનેટ યુઝર્સની સંખ્યા 90 કરોડને આંબી જશે. જે દેશની વસ્તીના 64 ટકા થાય છે. વર્ષ 2018માં, ભારતમાં ઇન્ટરનેટ યુઝર્સની સંખ્યા 76.3 કરોડ હતી જેમાં 2023 સુધીમાં 15 કરોડથી પણ વધુનો ઉમેરો થશે.
ભારત દુનિયાભરમાં મોબાઇલનું સૌથી મોટું બજાર બન્યો છે
ભારતમાં ઇન્ટરનેટનો ઉપયોગ કરનારાઓની સંખ્યા પણ સતત વધી રહી છે
ઇન્ટરનેટ યુઝર્સ મોબાઇલની સાથે સાથે સ્માર્ટ ટીવીમાં પણ વધી રહ્યા છે
ઇન્ટરનેટ યુઝર્સ મોબાઇલની સાથે સાથે સ્માર્ટ ટીવીમાં પણ વધી રહ્યા છે.ઓનલાઇન વેબ સિરીઝ જોનારાની સંખ્યા પણ દેશમાં બહુ ઝડપથી વધી રહી છે. 2023 સુધીમાં દેશમાં 2.1 અબજ મોબાઇલ સહીતના ડિવાઇસ ઇન્ટરનેટથી કનેક્ટ થઈ જશે. રિપોર્ટમાં એમ પણ કહેવામાં આવ્યું છે કે વર્ષ 2023 સુધીમાં દેશમાં 6.72 કરોડ 5 જી યુઝર્સ હશે. બીજા શબ્દોમાં કહીએ તો દર 20 માંથી એક વ્યકિત 5 જી યુઝર હશે.
થોડા દિવસો પહેલા એક જાણીતી સોશ્યલ મીડિયા મેનેજમેન્ટ ફર્મ વીઆર સોશિયલ અને હૂટસ્યુટે દુનિયાના ઇન્ટરનેટ અને મોબાઇલ યુઝર્સની માહિતી જાહેર કરી હતી. આ ડેટા રિપોર્ટનું નામ ડિજિટલ 2020 રાખવામાં આવ્યું છે. આ રિપોર્ટમાં ડિજિટલ વર્લ્ડ, મોબાઇલ અને સોશિયલ મીડિયા પર લોકો કેવી રીતે તેમનો સમય વિતાવે છે તેની માહિતી છે. જાન્યુઆરી 2020 સુધીના આંકડા અનુસાર વિશ્વના મોચાભાગના લોકો આજે મોબાઇલથી ઇન્ટરનેટનો ઉપયોગ કરી રહ્યા છે.