આગામી 1 સપ્ટેમ્બરથી દેશમાં ગાડી ખરીદવાનું મોંઘુ થઈ જશે. આવુ મદ્રાસ હાઈકોર્ટે હાલમાં આપેલા એક ચુકાદાને કારણે થશે.
1 સપ્ટેમ્બરથી કાર ખરીદવી પડશે મોંઘી
એક ઝાટકે નવી ગાડીની કિંમતોમાં થશે વધારો
ડાઉન પેમેન્ટ તરીકે 10 થી 12 હજાર રૂપિયા વધુ આપવા પડશે
કારના ડાઉન પેમન્ટ માટે તમારે ચૂકવવા પડશે વધુ રૂપિયા
1લી સપ્ટેમ્બરથી ફોર વ્હિલર ખરીદવા માટે ડાઉન પેમેન્ટ તરીકે 10 થી 12 હજાર રૂપિયા વધુ આપવા પડશે. આ સાથે નવુ દ્વિચક્રી વાહન ખરીદતી વખતે પણ ડાઉનપેમેન્ટ કરતી વખતે આશરે 1 હજાર રૂપિયા વધુ આપવા પડશે.
ગાડીઓ ખરીદવાનું મોંઘુ કેમ થશે?
આ ઉપરાંત ગાડીનો ઈન્શ્યોરન્સનો ખર્ચો પણ વધી જશે. મહત્વનું છે કે, વર્તમાન નિયમો મુજબ નવી કાર ખરીદવા માટે થર્ડ પાર્ટી ઈન્શ્યોરન્સ 3 વર્ષ અને દ્વિચક્રી વાહન માટે 2 વર્ષ જરૂરી છે. મદ્રાસ હાઈકોર્ટના નિર્ણય બાદ 1 સપ્ટેમ્બરથી નવી ગાડીઓ ખરીદતી વખતે 5 વર્ષનો બમ્પર ટૂ બમ્પર ઈન્શ્યોરન્સ કરાવવો પડશે. આ ઉપરાંત હવે તમારે ઈન્શ્યોરન્સની ઓન ડેમેજ પોલિસી પણ લેવી પડશે.
વધારવામાં આવ્યો પર્સનલ એક્સિડન્ટ કવરની મુદ્દત
મહત્વનું છે કે, પર્સનલ એક્સિડન્ટ કવર અત્યાર સુધી ફક્ત ગાડી ચલાવવા માટે જરૂરી હતુ. પરંતુ મદ્રાસ હાઈકોર્ટના ઓર્ડર બાદ ગાડીમાં બેઠેલા લોકોને પર્સનલ એક્સિડન્ટ કવર પણ 5 વર્ષ સુધી જરૂરી રહેશે. જેનો અર્થ છે કે નવી ગાડી ખરીદવી હવે લોકો માટે મોંઘી થશે અને તેથી પહેલા વર્ષે કર્યા બાદ દર વર્ષે કરવામાં આવતો ગાડીનો ઈન્શ્યોરન્સ પણ 20 ટકા સુધી મોંઘો થશે.