અમૂલ એ ફક્ત ગુજરાત જ નહિ પુરા ભારતની ઓળખ છે. તેણે પોતાના ગુણવત્તાસભર ઉત્પાદનોથી વર્ષોથી ગ્રાહકોનો વિશ્વાસ જીતેલો છે. હવે અમૂલ ધંધાદારી લોકો સાથે એસોસિએટ થઇને અમૂલ સાથે જોડાઈને લોકોને નાણાં કમાવાની તક આપી રહી છે.
ઓછા રોકાણથી નવો બિઝનેસ શરુ કરવાની અમૂલ સુવર્ણ તક આપી રહ્યું છે. અમૂલના સ્ટોરની ફ્રેન્ચાઈઝી તમે ખરીદી શકો છો. શરૂઆતના 2 લાખથી 6 લાખના ઇન્વેસ્ટમેન્ટની સામે તમે 5 થી 10 લાખ રૂપિયા પ્રતિ મહિનાનું વેચાણ નોંધાવી શકો છે જેમાં અમૂલ કંપની માર્જિન થી લઇને કમિશન સુધીના લાભો તમને આપશે.
બે પ્રકારના અમૂલ સ્ટોર
1. અમૂલ આઉટલેટ / અમૂલ રેલવે પાર્લર / અમૂલ કિઓસ્ક
આ સ્ટોર બનાવવા માટે તમારી પાસે 100 થી 150 સ્કવેર ફૂટની મોકાની જમીન હોવી પડશે. ભાડેની જમીન પર પરવાનગી નહિ મળે. અહીં તમારે 2 લાખનું રોકાણ કરવાનું છે જેમાં 25,000 નોનરિફંડેબલ રકમ છે બાકીના 1 લાખની સાધન સામગ્રી મળશે અને બાકીના 70,000 અકસ્માત રકમ પેટે ફાળવવામાં આવશે.
ઉત્પાદનો ઉપર માર્જિન
અહીં દૂધના પાઉચ ઉપર 2.5%, દૂધના ઉત્પાદનો ઉપર 10% અને આઈસ્ક્રીમ ઉપર આશરે 20% જેટલો માર્જિન મળે છે.
2. અમૂલ આઈસક્રીમ સ્કૂપિંગ પાર્લર
આ સ્ટોર બનાવવા માટે તમારી પાસે 300 સ્કવેર ફૂટની મોકાની જમીન હોવી પડશે. ભાડેની જમીન પર પરવાનગી નહિ મળે. અહીં તમારે 6 લાખનું રોકાણ કરવાનું છે જેમાં 50,000 નોનરિફંડેબલ રકમ છે બાકીના 4 લાખની સાધન સામગ્રી મળશે અને બાકીના 1,50,000 અકસ્માત રકમ પેટે ફાળવવામાં આવશે.
ઉત્પાદનો ઉપર માર્જિન
અહીં મળતા આઈસક્રીમ સ્કૂપ, સન્ડે, ફ્લોટ, શેક, પિઝા, સેન્ડવીચ, ગાર્લિક બ્રેડ જેવા ઉત્પાદનો ઉપર આશરે 50% અને પેક્ડ આઈસ્ક્રીમ ઉપર આશરે 20% જેટલો માર્જિન મળે છે.
આ ઉપરાંત કંપની વેચાણ પર કમિશન, કર્મચારીઓના ખર્ચ, ઈલેક્ટ્રીસીટી ચાર્જ, ભાડું જેવા ખર્ચાઓ ઉપર પણ આકર્ષક વળતર આપે છે.
નાનો બિઝનેસ શરુ કરવા માંગતા લોકોએ આ મિસ કરવા જેવું નથી.