પોતાના ઘરનું સપનું ક્યારેય જૂનુ થતુ નથી. દરેક વ્યક્તિ ઘરનુ ઘર ખરીદવા માટે ખૂબ પરિશ્રમ કરે છે. કોરોનાકાળમાં તો ઘર ખરીદવાની માંગ ખૂબ રહી છે. તો કોરોનાએ મોંઘવારી વધારી દીધી છે.
ઘર ખરીદવાની સાચી ઉંમર કઈ છે?
ઘર ખરીદવા માટે સારા નાણાંકીય આયોજનની જરૂર
નિષ્ણાંતોએ ઘર ખરીદવાની વાસ્તવિક ઉંમર જણાવી
નાણાંકીય સ્થિતિ મહત્વની
જેનાથી કન્સ્ટ્રક્શન મટિરીયલની કિંમતો વધી છે અને આગામી સમયમાં પણ વધશે. જેનાથી લોકોના મનમાં આ મોટો સવાલ છે કે ઘર ક્યારે ખરીદવુ. આમ તો વ્યક્તિની નાણાકીય સ્થિતિ નક્કી કરે છે કે તે ક્યારે ઘર ખરીદશે. ડાઉન પેમેન્ટથી લઇને મોટા EMI ચૂકવવા માટે સારા નાણાકીય આયોજનની જરૂર પડે છે. પરંતુ નિષ્ણાંતો ઘર ખરીદવાની સાચી ઉંમર અંગે જણાવે છે. જો આ ઉંમરે ઘર ખરીદવામાં આવે તો વ્યક્તિને ઘણા મોટા ફાયદા થાય છે.
25 થી 30ની ઉંમરમાં મળે છે સૌથી વધુ ફાયદો
આર્થિક ક્ષેત્રના જાણકાર કહે છે કે જો વ્યક્તિ 25ની ઉંમરમાં ઘર ખરીદવા માટે સક્ષમ છે તો તેનાથી સારી કોઈ વસ્તુ નથી. તેમ છતા લોકો સામાન્ય રીતે 40ની ઉંમરમાં પણ હોમ લોન લઇને ઘર ખરીદે છે. પરંતુ ઘર ખરીદવાની વાસ્તવિક ઉંમરની વાત કરીએ તો 25 થી 30 વર્ષની વચ્ચે ઉંમર સૌથી સારી છે. જેનાથી ઘર ખરીદનાર વ્યક્તિ હોમ લોન પર સૌથી વધારે ફાયદો ઉઠાવી શકે છે.
બચશે એક કરોડ રૂપિયા
જો વ્યક્તિ સામાન્ય ભાડાવાળા ઘરમાં રહે છે અને વાર્ષિક લગભગ દોઢ લાખ રૂપિયા (12,000 થી 13,000 રૂપિયા મહિને) ભરે છે તો 30 વર્ષમાં તે અઢી કરોડ રૂપિયા ભાડામાં આપી દેશે. જ્યારે તે 25 થી 30 વર્ષની ઉંમરમાં 30 થી 40 લાખ રૂપિયાનો ઘર અથવા ફ્લેટ ખરીદે છે તો તેને 7.5 ટકા વાર્ષિક વ્યાજ પર દર મહિને 30 થી 40 હજાર રૂપિયા હપ્તો આપવો પડશે. આ રીતે ભાડુ અને ઈએમઆઈની કુલ રકમમાં લગભગ 1 કરોડ રૂપિયાનું અંતર હશે. એટલેકે તેનાથી સીધા 1 કરોડ રૂપિયાનો ફાયદો થશે.