બેસ્ટ ડીલ / New Yearમાં ખરીદો 5 લાખથી ઓછી કિંમતની આ 5 ગાડીઓ, વધુ માઈલેજની સાથે ફીચર્સમાં પણ છે બેસ્ટ

• નવા વર્ષમાં ખરીદો આ 5 સસ્તી ગાડીઓ
• મળશે વધુ માઈલેજ અને બેસ્ટ ફીચર્સ
• તમારા બજેટમાં આવશે આ ગાડીઓ

Hyundai Grand i10 

હ્યૂન્ડાઈએ ભારતમાં આ વર્ષે Grand i10નું i10 Nios વર્ધન લોન્ચ કર્યું હતું. જે ફિટ એન્ડ ફિનિશમાં પહેલાં કરતાં વધુ સારી છે. i10 Nios પેટ્રોલ અને ડીઝલ વેરિઅન્ટમાં ઉપલબ્ધ છે. તેની શરૂઆતી કિંમત 5 લાખ રૂપિયા ઓન રોડ રાખવામાં આવી છે. i10 Nios 20થી 
26 kmpl સુધી માઈલેજ આપે છે. 

Maruti WagonR

મારૂતિની સૌથી લોકપ્રિય હેચબેક કાર વેગનઆર થર્ડ જનરેશનને આ વર્ષે જાન્યુઆરીમાં જ લોન્ચ કરવામાં આવી હતી. મારૂતિએ અત્યાર સુધી આ કારના 1 લાખથી વધુ યૂનિટ વેચી દીધા છે. આ કારની કિંમત માર્કેટમાં 4.86 લાખ રૂપિયા ઓન રોડ રાખવામાં આવી છે. જ્યારે વેગનઆર 20થી 33kmpl સુધીની માઈલેજ આપે છે. આ ગાડી સૌથી પહેલાં વર્ષ 1999માં લોન્ચ કરવામાં આવ્યું હતું અને ગયા વર્ષે કંપની આ કારના ત્રણ જનરેશન લોન્ચ કરી ચૂકી છે. 

Maruti Alto

મારૂતિની એન્ટ્રી લેવલની અલ્ટો કારને ભારતમાં લગભગ 38 લાખ લોકો ખરીદી ચૂક્યા છે. આ કાર સૌથી પહેલાં વર્ષ 2000માં લોન્ચ કરવામાં આવી હતી. તે પેટ્રોલ અને સીએનજી બંને વેરિઅન્ટમાં ઉપલબ્ધ હતી. મારૂતિ અલ્ટોની કિંમત 3.21 લાખ રૂપિયા ઓન રોડ રાખવામાં આવી છે અને આ કાર 22.05 kmpl માઈલેજ આપે છે. 

Datsun Redi Go

ડેટસનની એન્ટ્રી લેવલની રેડી ગો કાર ભારતમાં લોન્ચ કરતાં જ ખૂબ જ પોપ્યૂલર થઈ ગઈ છે. આ કારમાં માત્ર પેટ્રોલ એન્જિન વેરિઅન્ટ જ મળે છે. તેની ઓન રોડ કિંમત 3.15 લાખ રૂપિયા રાખવામાં આવી છે. જ્યારે માઈલેજમાં આ કાર 22થી 23 kmpl આપે છે. 

Renault Kwid

રેનોની ક્વિડ કંપનીની એન્ટ્રી લેવલ સેગમેન્ટની બેસ્ટ સેલિંગ કાર છે. અત્યાર સુધી કંપનીએ તેના 4 લાખ યૂનિટ વેચ્યા છે. આ કારની કિંમત 3.21 લાખ રૂપિયા રાખવામાં આવી છે. જ્યારે આ કાર 23થી 25 kmpl માઈલેજ આપે છે.