દેશની સૌથી મોટી કાર ઉત્પાદક કંપની મારૂતિ સુઝુકી ફક્ત નવી કારનું જ વેચાણ કરે છે એવું નથી. તે પોતાની યૂઝ્ડ કાર ફર્મ TrueValueની મદદથી દેશભરમાં જૂની કારનું પણ ખરીદ વેચાણ કરી શકે છે. જો તમે પણ કાર ખરીદવાનું વિચારી રહ્યા છો તો આ તમારા માટે બેસ્ટ તક છે. તમે આ ફર્મથી ઓછી કિંમતમાં Alto, Wagon R, Swift અને Dzire જેવી ગાડીઓ ખરીદી શકો છો. ઓછી કિંમતમાં સારી માઈલેજ અને લો મેન્ટેનન્સની સાથે આ કાર દુનિયાભરમાં લોકપ્રિય છે. ચાલો જાણીએ Truevalue પર ઉપલબ્ધ કારની રેન્જ વિશે.
Maruti Celerio
મારૂતિ સેલેરિયોના પેટ્રોલ વર્ઝનનો સેકન્ડ મોડલ VXI આ વેબસાઈટ પર વેચાણ માટે ઉપલબ્ધ છે. આ ઓટોમેટિક ટ્રાન્સમિશન ગિયરવાળી કાર છે. વેબસાઈટ પર આપેલી માહિતી મુજબ આ કાર 2014નું મોડલ છે અને અત્યાર સુધી આ કાર 37,433 કિમી ચાલી છે. ફર્સ્ટ ઓનર દ્વારા કાર વેચવામાં આવી રહી છે. આ કારની સાથે ટ્રૂવેલ્યૂ 6 મહિનાની વોરંટી, 3 ફ્રી સર્વિસિંગ પણ મળશે. આ કારની કિંમત માત્ર 3.35 લાખ રૂપિયા નક્કી કરવામાં આવી છે.
Maruti Alto
દેશની સૌથી વધુ વેચાનારી કાર અલ્ટોને તમે એકદમ ઓછી કિંમતમાં ખરીદી શકો છો. આ વેબસાઈટ પર તેનું પેટ્રોલ વર્ઝનનું LXI મોડલ છે. ફર્સ્ટ ઓનર દ્વારા કાર વેચવામાં આવી રહી છે. આ કાર 2009નું મોડલ છે અને તે 1,75,116 કિમી ચાલી ચૂકી છે. આ કારની કિંમત માત્ર 1.40 લાખ રૂપિયા છે.
Maruti Swift
આ કંપનીની બેસ્ટ સેલિંગ કારમાંથી એક છે અને તે વેબસાઈટ પર વેચાણ માટે ઉપલબ્ધ છે. મળતી માહિતી મુજબ આ કાર 2012નું મોડલ છે અને અત્યાર સુધી આ કાર 76,953 કિમી ચાલી ચૂકી છે. ફર્સ્ટ ઓનર દ્વારા કાર વેચવામાં આવી રહી છે. આ ડિઝલ વર્ઝનનું સેકન્ડ વેરિઅન્ટ VDI છે. આ કારની સાથે કંપની 6 મહિનાની વોરંટી, 3 ફ્રી સર્વિસિંગ પણ આપી રહી છે. તેની કિંમત માત્ર 3.10 લાખ રૂપિયા નક્કી કરવામાં આવી છે.
Maruti Wagon R
મારૂતિ વેગનઆર પણ આ વેબસાઈટ પર વેચાણ માટે ઉપલબ્ધ છે. વેબસાઈટ પર આપેલી માહિતી પ્રમાણે આ કારનું પેટ્રોલ વર્ઝનનું LXI મોડલ છે. ફર્સ્ટ ઓનર દ્વારા કાર વેચવામાં આવી રહી છે. આ કાર 2009નું મોડલ છે અને તે 72,029 કિમી ચાલી ચૂકી છે. તેની કિંમત માત્ર 1.70 લાખ રૂપિયા છે.
નોટઃ અહીં કારની જે વેલ્યૂ આપવામાં આવી છે તે Truevalueની અધિકૃત સાઈટ પરની જાણકારી અનુસાર આપવામાં આવી છે. જૂના વાહન ખરીદતાં પહેલાં કારની કંડીશન અને દસ્તાવેજો વિશે જાણકારી લેવી જરૂરી રહે છે. આ દરેક કાર દિલ્હીમાં વેચાણ માટે મળી રહે છે.