તમે ફ્યુલ ક્રેડિટ કાર્ડ્સ દ્વારા પૈસા બચાવી શકો છો અને સસ્તામાં પેટ્રોલ અને ડીઝલ ભરાવી શકો છો.
પેટ્રોલ-ડીઝલના અસહ્ય ભાવવધારાની વચ્ચે રાહતભરી ખબર
બીપીસીએલ પંપ પર 7.25 ટકાનો કેશબેક મળે છે
ઈન્ડીયન ઓઈલ સિટી ક્રેડિટ કાર્ડથી પેમેન્ટ કરાવવાથી એક વર્ષમાં 71 લીટર પેટ્રોલ અને ડીઝલ ફ્રીમાં મળશે
સમગ્ર દેશમાં પેટ્રોલ અને ડીઝલના ભાવમાં સતત વધારો થઈ રહ્યો છે. પરંતુ આ બધામાં એક રાહતભરી ખબર છે. કઈ કઈ બેન્ક તમને સારી સુવિધા આપી શકે છે જાણો આ રિપોર્ટમાં.
બીપીસીએલ પંપ પર 7.25 ટકાનો કેશબેક
દેશની સૌથી મોટી જાહેર ક્ષેત્રની બેન્ક એસબીઆઈની વેબસાઈટ પરની જાણકારી અનુસાર, બીપીસીએલના પેટ્રોલ પંપ પર પેટ્રોલ અને ડીઝલ ભરાવવાથી તમને 7.25 ટકાનો કેશબેક મળી શકે છે. ભારત ગેસ પર 6.25 ટકાનો કેશબેકનો ફાયદો મળશે.
દર વર્ષે ફ્રીમાં મળશે 71 લીટર પેટ્રોલ-ડીઝલ
ઈન્ડીયન ઓઈલ સિટી ક્રેડિટ કાર્ડથી પેમેન્ટ કરાવવાથી તમને એક વર્ષમાં 71 લીટર પેટ્રોલ અને ડીઝલ ફ્રીમાં મળશે. ઈંધણ ખરીદવા માટે આ ક્રેડિટ કાર્ડ સૌથી સારુ કાર્ડ છે. ઈન્ડીયન ઓઈલ પંપો પર આ કાર્ડ દ્વારા ફ્યુઅલ ખરીદવા પર તમને ઘણો ફાયદો થાય છે. અને સૌથી મહત્વની વાત એ છે કે આ રિવોર્ડ પોઈન્ટ પણ કદી પૂરા થતા નથી. ફ્યુઅલ પોઈન્ટ્સને રીડમ કરીને તમે વર્ષે 71 લીટર પેટ્રોલ ફ્રીમાં મેળવી શકો છો.
વર્ષે 50 લીટર પેટ્રોલ-ડીઝલ મેળવવાની તક
ઈન્ડીયન ઓઈલ એચડીએફસી બેન્ક ક્રેડિટ કાર્ડથી આઈઓસીએલ આઉટલેટ્સ પર ફ્યુઅલ પોઈન્ટ્સ પર તમે રિવોર્ડ પોઈન્ટ મેળવી શકો છો. આ કાર્ડ દ્વારા ઈન્ડીયન ઓઈલના પેટ્રોલ પંપ પર ચુકવણી કરવા પર તમને ખરીદીના 5 ટકા ફ્યુઅલ પોઈન્ટ મળશે. ફ્યુઅલ પોઈન્ટ્સ રીડિમ કરીને તમે વર્ષે 50 લીટર ફ્યુઅલ મેળવી શકો છો.
ફ્યુઅલ ખર્ચ પર મેળવો 5 ટકા કેશબેક
સ્ટાન્ડર્ડ ચાર્ટર્ડ સુપર વેલ્યુ ટાઈટેનિયમ ક્રેડિટ કાર્ડથી પેટ્રોલ પંપો પર ફ્યુઅલ લેવાથી 5 ટકા કેશબેક મળે છે જોકે તેને માટે 2000 અથવા તેનાથી ઓછો ખર્ચ કરવો પડે છે. આ ઓફરમાં તમે મહિનામાં વધારેમાં વધારે 200 રુપિયાનો કેશબેક મેળવી શકો છો.
એચપીસીએલ આપી રહ્યો છે 4 ટકા કેશબેક
એચપીસીએલના પેટ્રોલ પંપો પર યુનિ કાર્બન ક્રેડિટ કાર્ડથી ચુકવણી કરવા પર તમને 4 ટકાનો કેશબેક મળી શકે છે. એચી વોલેટથી ચુકવણી કરવા પર તમને 1.50 ટકા કેશબેકનો ફાયદો મળશે.
આઈઓસીએલના પંપ પર 4 ટકા કેશબેક
ઈન્ડીયન ઓઈલ એક્સિસ બેન્ક ક્રેડિટ કાર્ડ દ્વારા તમે ઈન્ડીયન ઓઈલ પંપો પર 100 રુપિયાથી માંડીને 20 રિવોર્ડ પોઈન્ટ મળે છે એટલે તમે 4 ટકા સુધીનો કેશબેક મેળવી શકો છો.