ચિંતાજનક / 5 વર્ષના પુત્ર સાથે બેંક જઈ રહેલી મહિલા સાથે થયો ગેંગરેપ, મહિલાને પુત્રને બાંધી નદીમાં ફેકતા બાળકનું મોત

• મહિલાને તેના બાળકની સાથે કિડનેપ કરવામાં આવી
•  આરોપીએ રેપ કરી મહિલાને તેના બાળક સાથે બાંધી નદીમાં ફેંકી દીધી
• પોલીસે એક આરોપીની ધરપકડ કરી હતી 

બિહારના બક્સરમાં એક હચમચાવી દેનારી ઘટના સામે આવી છે. મુરાર પોલીસ સ્ટેશનમાં ઓઝા બરાવ ગાંમમાં બેંકમાં જઈ રહેલી એક મહિલાને તેના બાળકની સાથે કિડનેપ કરવામાં આવી હતી એ બાદ તેની સાથે ગેંગરેપ કરવામાં આવ્યા હતો. આરોપીએ રેપ કરી મહિલાને તેના બાળક સાથે બાંધી નદીમાં ફેંકી દીધી હતી.

આ ઘટનાના પગલે પીડિત મહિલાના પિતાએ કહ્યું કે તેની દીકરી તેના 5 વર્ષના બાળક સાથે બેંક જવા નીકળી હતી. પરંતુ 11 વાગ્યા પછી તેનો મોબાઈલ ફોન બંધ આવ્યો હતો. તેમણે કહ્યું કે સવારે નદીમાં દીકરીની સાથે તેનો દિકરો બાંધેલો મળ્યો હતો. મહિલાને બચાવી દેવામાં આવી હતી પરંતુ બાળકનું મોત નિપજ્યુ હતું.

મહિલાએ જણાવ્યું કે કેટલાક લોકોએ તેને કિડનેપ કરી, તેની સાથે ગેંગરેપ કર્યો અને બાળક સાથે બાંધી નદીમાં ફેંકી દીધી હતી. મહિલાએ બુમો પાડી દેને સાંભવીને લોકો તેને બચાવવા માટે નદીમાં કુદ્યા હતા. પરંતુ બાળકને બચાવી શક્યા નહોંતા. મહિલાને હોસ્પિટલમાં દાખલ કરવામા આવી હતી. તેમજ એક આરોપીની ધરપકડ કરવામાં આવી તેની પુછપરછ હાથ ધરાયી છે.