ઇંગ્લેન્ડ અને દક્ષિણ આફ્રિકા વચ્ચે કેપટાઉન ટેસ્ટના અંતિમ દિવસે જોસ બટલર અને વર્નોન ફિલેન્ડર વચ્ચે ચકમચ ઝરી હતી. મેચના અંતિમ દિવસે જ્યારે ઇગ્લેન્ડ યજમાન ટીમની વિકેટ લેવામાં સફળતા નહોંતી મળી રહી ત્યારે બટલરે વિકેટની પાછળના ભાગથી ફિલેન્ડરને છંછેડ્યો હતો.
ઇંગ્લેન્ડ અને દક્ષિણ આફ્રિકા વચ્ચે કેપટાઉનમાં મેચ
વિકેટ કિપરે બેટ્સમેનને કહ્યા અભદ્ર શબ્દ
વીડિયો સોશિયલ મીડિયામાં વાયરલ
ગાળો આપતા બેટ્સમેનની એકાગ્રતાને તોડવાનો પ્રયાસ કર્યો હતો. જો કે, આ સમગ્ર ઘટના અંગેનો એક વીડિયો સોશિયલ મીડિયા પર વાયરલ થઇ રહ્યો છે. જો કે, ત્યારબાદ બેન સ્ટોક્સે પોતાના દમ પર દક્ષિણ આફ્રિકાને 189 રનથી પરાજય આપ્યો હતો.
જોસ બટલરે વિકેટ પાછળથી વર્નોન ફિલેન્ડરને સ્લેજ કર્યો હતો. જોકે ફિલેન્ડરે આ અંગે કોઈ પ્રતિક્રિયા આપી ન હતી. જ્યારે ઇગ્લિશ ખેલાડીને લાગ્યું કે તેનો ફાયદો નથી થતો, ત્યારે તેણે ધુરંધર બેટ્સમેનને અપશબ્દોનો ઉપયોગ કરીને ઉશ્કેરવાનો પ્રયાસ કર્યો.
ફિલેન્ડરને કહ્યો મૂર્ખ
બટલરે પહેલા ફિલેન્ડરને મૂર્ખ કહ્યો અને ત્યારબાદ તેને ક્રીઝમાંથી બહાર આવવા પડકાર ફેંક્યો. આ સમય દરમિયાન, સ્લિપમાં બેન સ્ટોક્સે પણ ફિલેન્ડરને ઉશ્કેર્યો, પરંતુ દક્ષિણ આફ્રિકાના બેટ્સમેનને કોઈ ફરક પડ્યો નહીં.