વાયરલ વીડિયો / સુરતના બુટલેગરે જેલમાંથી બહાર આવતા જ વરતાવ્યા લક્ષણો, કરી એવી હરકત કે સોશિયલ મીડિયા પર વીડિયો થયો વાયરલ

• બુટલેગરે આતશબાજી કરીને ઉજવણી કરી 
• આરોપી જેલવાસો કાપીને બહાર આવ્યો હતો
• સોશિયલ મીડિયામાં વીડિયો વાયરલ 

સુરતમાં દિવસેને દિવસે બુટલેગરોનો ત્રાસ વધી રહ્યો છે. હાલજ શહેરમાં એક બુટલેગરનો વીડિયો વાયરલ થયો છે. જેમા તે બુટલેગર જેલવાસો કાપીને બહાર આવ્યો હતો તો તેનું સ્વાગત કરવામાં આવ્યું. આરોપીના બહાર આવતા તેના મિત્રોએ તેના સાથે જાહેર રસ્તા પર ઉજવણી કરી હતી. જેના કારણે આ વીડિયો ઘણો ચર્ચાનો વિષય બન્યો છે. 

સુરતમાં વધુ એક બુટલેગરનો વીડિયો સામે આવ્યો છે. બુટલેગરો જેલવાસ કાપી બહાર આવતા સ્વાગતનો ક્રેઝ બન્યો છે. જેલવાસ કાપીને બહાર આવતા ઉજવણી કરવામાં આવી છે. આતશબાજી કરી સ્વાગત કરવામાં આવ્યું હતું. સમગ્ર ઘટનાનો વીડિયો વાયરલ થયો છે.#Surat @GujaratPolice pic.twitter.com/NMJ3ENVF7O

— VTV Gujarati News and Beyond (@VtvGujarati) July 10, 2021

આતશાબાજી કરીને સ્વાગત 

બુટલેગરના મિત્રોએ જાહેરમાં આતશબાજી કરીને તેનું સ્વાગત કર્યું તેવું વીડિયોમાં સ્પષ્ટ પણે જોઈ શકાય છે. જે બુટલેગર જેલમાંથી છૂટ્યો છે. તેણે PCB પોલીસ પર હુમલો કર્યો હતો. જેના કારણે તે સમયે તેને જેલના સળીયા ગણવાનો વારો આવ્યો હતો. 

બુટલેગરનો ગુનાહિત ઈતિહાસ 

આરોપીની સામે સુરતમાં ઓલપાડ, અમરોલી તેમજ સાયણ પોલીસ સ્ટેશનમાં અનેક ગુના નોંધાયા છે. જેથી તે ગુનાહિત ઈતિહાસ ધરાવે છે તેવું કહી શકાય. જે સમયે તેની ધરપકડ કરવામાં આવી હતી તે સમયે તેણે પોલીસ પણ હુમલોતો કર્યો હતો સાથેજ તેણે પોલીસને જાહેરમાં અપશબ્દો પણ બોલ્યા હતા. 

અગાઉ એક બુટલેગર રેલી કાઢી હતી 

અગાઉ સુરતમાં ઈશ્વર વાસફોડીયા નામના બુટલેગરે રેલી પણ કાઢી હતી. તે પણ જેલવાસો કાપીને બહાર આવ્યો હતો જેથી તેના સાથીદારોએ તેની સાથે રેલી કાઢીને ઉજવણી કરી હતી. ત્યારે આ રીતના બનાવો સુરતમાં કાયદો વ્યવસ્થાને લઈને ગંભીર સવાલો ઉભા કરી રહ્યા છે.