બેદરકારી / મોબાઈલમાં વ્યસ્ત કાર ચાલકે 3 વર્ષના માસૂમને કચડ્યો, જુઓ વીડિઓ

કાર ચલાવતા સમયે મોબાઈલ પર વાત કરવી કેટલી ખતરનાક થઈ શકે છે. તે દિલ્લીના ભારતનગરમાં થયેલી એક ઘટના સમજાવી જાય છે. જ્યાં મોબાઈલ પર વાત કરનાર કાર ચાલકની બેદરકારીથી 3 વર્ષના માસૂમનો જીવ જોખમમાં મુકાઈ ગયો. 

બાળકને કાર ચાલકે જ પોતાની કારમાંથી ઉતાર્યા હતો તે સમયે બાળક કારની આગળની સાઈડથી નીકળતો હતો. ત્યારે કાર ચાલકને ફોન આવે છે અને તે કારને હંકારે છે. જેથી બાળક કારની અડફેટે આવી જાય છે અને 5 મીટર સુધી બાળક ઢસડાય છે. ત્યાર બાદ જે દ્રશ્ય સામે આવ્યા તે રૂવાટા ઉભા કરી દે તેવા હતા. બાળક લોહીલુહાણ હાલતમાં નીચે પડ્યો હતો.

 

જોકે બાદમાં બે મહિલા ત્યાં દોડી આવે છે અને કાર ચાલક થોડાક અંતરે જઈને કાર ઉભી રાખે છે અને દોડી આવે છે. ત્યારબાદ બાળકને હોસ્પિટલ લઈ જાય છે. હાલ બાળકની સ્થિતિ ગંભીર છે. બાળકનું નામ ગુલામ હોવાનું સામે આવ્યું છે. તે પોતાની માતા સાથે રહે છે અને કાર ચાલક બાળકની માતાની ઓળખાણમાં છે.

જોકે માતાએ પહેલા પોલીસ સ્ટેશનમાં એવી ફરિયાદ નોંધાવી હતી કે તે ઈ રિક્ષાથી આવી રહી હતી. તે સમયે રોડ ક્રોસ કરતા સમયે બાળક ઘાયલ થયો હતો. જોકે સીસીટીવી ફૂટેજ સામે આવતાં પોલ ખુલી ગઈ છે અને પોલીસે આરોપીને ઝડપી લીધો છે.